Tags-Dil

hāsidoñ ke maiñ ta.anoñ kā suntā rahā, reza reza vajūd apnā chintā rahā
bārish-e-sañg meñ bhī na pīchhe haTā, maiñ ne us dil ko patthar kā ghar kar liyā

dhīre dhīre chaTTāneñ pighaltī rahīñ qatra qatra samundar nigaltī rahīñ
vo jo aañsū na Dhalkā kabhī gaal par, us ko dil ke sadaf ne guhar kar liyā

baap kī DaañT bhī mujh ko aisī milī jaise maañ kī mohabbat kī misrī Dalī
qufl dil kī tijorī ko maiñ ne kiyā aur mahfūz ye māl-o-zar kar liyā

maiñ ne bachpan guzārā hai apnā yahāñ us ke saa.e meñ pal kar huā maiñ javāñ
kaise bhūlūñ maiñ 'ḳhusrav' ye kachchā makāñ, us makāñ ne mire dil meñ ghar kar liyā

guzrī hai raat mujh meñ aur dil meñ turfa sohbat
īdhar to maiñ ne kī aah ūdhar se vo karāhā

āvāz ye kis ne dī phir yaad ye kaun aayā
be-tābī-e-dil kuchh kuchh sambhalī huī lagtī hai

mire jiiv aarsī meñ ḳhyāl tuj mukh kā so distā hai
kare uu ḳhayāl munj dil meñ nishānī zar-fishānī kā

chitā ho ishq ke jañgal meñ baiThā hai darī le kar
liyā hai jhāñp suuñ aahū naman dil munj āyānī kā

hameñ haiñ ishq ke pannath meñ dono aalam the be-parvā
lagyā hai daaġh munj dil par us hindostānī kā

us kamān-e-abrū ne kiiñ dil par nazar-andāziyāñ
ham pe tīroñ kī huī bauchhār qiasar-bāġh meñ

vo na the pahlū meñ to us ne bhī kī pahlū-tahī
mujh se dil meñ dil se thā bezār qiasar-bāġh meñ

har shaḳhs apne aap meñ masrūf hai yahāñ
kis ko fasāna-e-dil-e-muztar sunāoge

jhukī jhukī sī nazar be-qarār hai ki nahīñ
dabā dabā sā sahī dil meñ pyaar hai ki nahīñ

tū apne dil kī javāñ dhaḌkanoñ ko gin ke batā
mirī tarah tirā dil be-qarār hai ki nahīñ

kiijo us zulf ko mashshāt samajh kar shāna
laakh dil TuuTe agar ek vo mū TuuT gayā

falak us dil-shikanī kā to mazā dekhegā
koī dil gar kabhī ai arbada-jū TuuT gayā

dhyān us shīshe kā rakhnā ki na hogā paivand
dil mirī jaan agar yak sar-e-mū TuuT gayā

us ḳhud-ārā ke rahā haath meñ nit ā.īna
ġham se ā.īna-dil haa.e na tū TuuT gayā

duniyā kī kashākash meñ phañs kar dil-e-ġham se bachānā paḌtā hai
murjhā.ī huī kaliyoñ ko yahāñ hañs hañs ke khilānā paḌtā hai

yuuñ dard kī Tīseñ uThtī haiñ yuuñ sabr kā dāmāñ chhuTtā hai
maazī kā fasāna phir dil se Dar Dar ke bhulānā paḌtā hai