Tags-Dil

na rahne deñge kabhī vo bāham tapāk dekheñge un meñ jis dam
badan se ḳhārij kareñge jaañ ko jigar se dil ko judā kareñge

chamak hai us meñ mohabbatāna ye be-qarārī hai āshiqāna
mazā uThā.eñge dard-e-dil kā kabhī na is kī davā kareñge

baḌhā to hai rabt ham se tum se ḳhudā ne chāhā to dekh loge
tumhāre pahlū meñ yaar dil kī tarah hamesha rahā kareñge

jab ā.eñge vo pa.e-ayādat to hogī dil ko umīd-e-sehhat
zamāna mujh ko duā karegā masīh merī davā kareñge

ye dil dām-e-nigah meñ tark ke bas jā hī aTkā hai
bar aave kis tarah allāh ab ḳhūñ-ḳhvār se matlab

ġham-e-daurāñ bhī nahīñ hai ġham-e-jānāñ bhī nahīñ
saḳht mushkil meñ hai ab dil ki ġham-e-jāñ bhī nahīñ

mujh se nārāz haiñ sab jān-o-jahān-o-jānāñ
maiñ ki dil se bhī judā shai huuñ pareshāñ bhī nahīñ

dil ne kuchh aur kahāñ aql ne kuchh aur kahī
sun ke donoñ kī na maanī ki maiñ nādāñ bhī nahīñ

had-e-imkān-e-tasavvur meñ sahī merā surāġh
lekin ai dil mujhe ab DhūñDhnā āsāñ bhī nahīñ

ā.īna dekh apnā sā muñh le ke rah ga.e
sāhab ko dil na dene pe kitnā ġhurūr thā

ai vā.e-ġhaflat-e-nigah-e-shauq varna yaañ
har paara sañg laḳht-e-dil-e-koh-e-tūr thā

dars-e-tapish hai barq ko ab jis ke naam se
vo dil hai ye ki jis kā taḳhallus subūr thā

kyā diyā bosa lab-e-shīrīñ kā ho kar tursh-rū
muñh huā mīThā to kyā dil apnā khaTTā ho gayā

dil jo taḌpā daaġh se raushan jahān-e-dil huā
barq jab chamkī añdhere meñ ujālā ho gayā

'arsh' us kī sard-mehrī tā-dam-e-āḳhir rahī
dil huā ThanDā na saarā jism ThanDā ho gayā

zahe soz-e-ġham-e-ādam ḳhushā sāz-e-dil-e-ādam
isī ik sham.a kī lau ne jahān-e-tīrgī badlā

gardan jhukā.e shauq-e-shahādat meñ huuñ ravāñ
dil le chalā hai kūcha-e-jallād kī taraf

umīd-vār chashm-e-ināyat kā hai ġharīb
dekho to ik nazar dil-e-nāshād kī taraf

nāseh agar sitam na saheñ ham to kyā kareñ
dil dauḌtā hai yaar kī be-dād kī taraf

bhūle hue haiñ saare zamāne kī nemateñ
mailān-e-dil jinheñ hai terī yaad kī taraf