Tags-Dil

us ne ye soch ke toḌā thā
mirā dil

ab ye aalam hai
ki jitne bhī haiñ dil ke TukḌe

jo dil ki mubarrā ho mohabbat se jahāñ kī
us dil ko dilā yaar kā kāshāna samajhnā

rakhnā na tavaqqo.a dil-e-nādāñ tū kisī se
us vaqt meñ apnoñ ko bhī begāna samajhnā

hāsil nahīñ samjhāne se nāseh tū samajh to
kyā samjhe bhalā ye dil-e-dīvāna samajhnā

sehhat tirī mumkin nahīñ sun rakh dil-e-bīmār
ye gorkan aayā hai masīhā na samajhnā

koī añgḌā.iyāñ letā jab aa jaatā hai mahfil meñ
tamannā karvaTeñ letī hai paiham dukh-bhare dil meñ

hāl-e-dil kab ye nigāhoñ se bayāñ hotā hai
rāz-e-ulfat na ye auroñ pe ayaañ hotā hai

na qafas hī mo'atabar hai na chaman se mutma.in dil
vahīñ bijliyāñ bhī hoñgī jahāñ hogā āshiyānā

jab dil hī nahīñ hai pahlū meñ phir ishq kā saudā kaun kare
ab un se mohabbat kaun kare ab un kī tamannā kaun kare

taqdīr naaz kartī hai hotī hai jab nasīb
'shāriq' shikast-e-dil ko naved-e-zafar bhī hai

lagāvaT se tirī kyā dil khule ma.alūm hai ham ko
zarā sī baat meñ khiñch kar tirā talvār ho jaanā

abas hai justujū bahr-e-mohabbat ke kināre kī
bas is meñ Duub marnā hī hai ai dil paar ho jaanā

kisī tarah to ghaTe dil kī be-qarārī bhī
chalo vo chashm nahīñ kam se kam sharāb to ho

namāz-e-dīd ke anjām par mujhe dil kā
ye mashvara hai ki ab tauf-e-jalva-gāh karo

hamārā hāl-e-dil ab tak kisī par khul nahīñ paayā
vufūr-e-dard ko ham zabt kī chādar meñ rakhte haiñ

islāh-e-hāl-e-āshiq-e-dil-ḳhasta hai zarūr
ma.ashūq jaur-pesha-o-saffāk chāhiye

muddatoñ meñ aaj dil ne faisla āḳhir diyā
ḳhūb-sūrat hī sahī lekin ye duniyā jhuuT hai

naam zulfoñ kā na lenā bhuul kar
dil kā panchhī daam meñ aa jā.egā

kah rahe haiñ vo na 'bismil' yuuñ taḌap
tujh pe zālim dil mirā aa jā.egā