vo mast-e-nāz aatā hai zarā hoshyār ho jaanā
yahīñ dekhā gayā hai be-piye sarshār ho jaanā
hamārā shaġhl hai rātoñ ko ronā yād-dilbar meñ
hamārī niiñd hai mahv-e-ḳhayāl-e-yār ho jaanā
lagāvaT se tirī kyā dil khule ma.alūm hai ham ko
zarā sī baat meñ khiñch kar tirā talvār ho jaanā
abas hai justujū bahr-e-mohabbat ke kināre kī
bas is meñ Duub marnā hī hai ai dil paar ho jaanā
nahīñ darkār mai ham ko piye jā tū hī ai saaqī
hameñ to mast kartā hai tirā sarshār ho jaanā