Tags-Dil

jo apne hāthoñ se phaaḌ ke pheñkī thī
dil meñ ik tasvīr vahī rakkhī niklī

hasrat-e-dil mirī rah jaatī hai dil hī meñ mire
farz kyā aise nibhāte haiñ chale jaate haiñ

kuchh to ādāb-e-mohabbat kā kareñ pas-o-lihāz
kyā yūñhī dil ko lagāte haiñ chale jaate haiñ

chāragar haiñ to kareñ aa ke mirī chāragarī
dard-e-dil aur baḌhāte haiñ chale jaate haiñ

de ke darvāza-e-dil par mire aksar dastak
niiñd rātoñ kī uḌāte haiñ chale jaate haiñ

raushnī aap kā darkār hai shāyad us se
ḳhāna-e-dil ko jalāte haiñ chale jaate haiñ

aap ko dil hai milānā to milā.eñ ba-ḳhushī
duur se haath milāte haiñ chale jaate haiñ

aap se dil ko lagānā hai sazā mere liye
ḳhūn-e-dil merā jalāte haiñ chale jaate haiñ

aap kā farz hai apnī kahīñ merī bhī suneñ
hāl-e-dil apnā sunāte haiñ chale jaate haiñ

ka.ī din sulūk vidā.a kā mire dar pai dil zaar thā
kabhū dard thā kabhū daaġh thā kabhū zaḳhm thā kabhū vaar thā

dil ḳhasta-lohū jo ho gayā to bhalā huā ki kahāñ talak
kabhū soz-e-sīnā se daaġh thā kabhū dard-o-ġham se figār thā

dil-e-muztarib se guzar ga.ī shab-e-vasl apnī hī fikr meñ
na dimāġh thā na farāġh thā na shakeb thā na qarār thā

jo nigāh kī bhī palak uThā to hamāre dil se lahū bahā
ki vahīñ vo nāvak-e-be-ḳhatā kaso ke kaleje ke paar thā

ye tumhārī in dinoñ dostāñ mizha jis ke ġham meñ hai ḳhūñ-chakāñ
vahī āfat-e-dil-e-āshiqāñ kaso vaqt ham se bhī yaar thā

nahīñ tāza-dil kī shikastagī yahī dard thā yahī ḳhastagī
use jab se zauq-e-shikār thā use zaḳhm se sarokār thā

laayā thā mire dil kī giraftārī kā sāmān
is vāste maiñ us se ba-takrār ho kī bahs

'miskīn' na jo tū ham se agar dil se milegā
kyuuñ tū ne mirā misl-e-ḳharīdār ho kī bahs

bajā hai fart-e-junūñ ne hameñ kiyā rusvā
jamāl-e-yār meñ āḳhir ye dilkashī kyā hai

vufūr-e-shauq kī māyūsiyāñ are tauba
dil-e-tabāh meñ ab aarzū rahī kyā hai

atā kiyā thā jo zauq-e-numūd us dil ko
to har qadam pe ye rañg-e-shikastagī kyā hai