Tags-Dil

har dil ko lubhātā hai ġham terī mohabbat kā
terī hī tarah zālim dilkash hai tirā ġham bhī

tumhāre naam ke hamrāh merā naam le duniyā
mirā dil chāhtā hai phir mujhe rusvā kare koī

vo dil meñ jāguzīñ hai mustaqil hai jalva-farmā.ī
bhalā aise meñ phir kis tarah se pardā kare koī

chale ham dil jale is bazm se yaar
jale hāthoñ se ik beḌā na paayā

sāqiyā dil meñ jo tauba kā ḳhayāl aatā hai
duur se aañkh dikhātā hai tirā jaam mujhe

ḳhayāl ko zau nazar ko tābish nafas ko raḳhshandagī milegī
bhaḌak uThā soz-e-ġham jo dil meñ to har kahīñ raushnī milegī

dil to ḳhair pareshāñ thā hī
zehn bhī merā uljhā niklā

shaam huī to dil meñ lauTā
dard bhī ek parinda niklā

'kānhā' royā aaj maiñ jī bhar
dil kā ik ik kāñTā niklā

dil ābād kahāñ rah paa.e us kī yaad bhulā dene se
kamra vīrāñ ho jaatā hai ik tasvīr haTā dene se

maiñ jin kā dil meñ tasavvur sajā.e rakhtā huuñ
koī to raah mile un tak aane jaane kī

aur ye kyā hai zabt jo soz-e-pinhānī nahīñ
aag raushan dil meñ hai chehre pe tābānī nahīñ

daulat-e-kaunain se bhī hai girāñ-tar ik sukūñ
dil ho mustaġhnī to parvā-e-jahāñbānī nahīñ

dil-e-sāfī ye ho ai 'mehr' ḳhudā kī rahmat
maiñ ne mahsūs kiyā hai bahut ārām yahāñ

ye na.ī hai gardish-e-charḳh-e-kuhan
dushman-e-jāñ hai jafā-e-dil-shikan

dil pyaar kī nazar ke liye be-qarār hai
ik tiir is taraf bhī ye taaza shikār hai

tumhāre dil kī sañg-lāḳh vaadī meñ
dushvār-guzār aur pur-pech rāstoñ ke beach

jis kuuñ tujh ġham siiñ dil-shigāfī hai
marham-e-vasl is kuuñ shāfī hai

ab bhī usī tarah se ise intizār hai
ab bhī kisī ḳhayāl se dil be-qarār hai

yuuñ dil pe le liyā hai ki tan kā na hosh hai
aur tan pe jo qabā hai to vo tār-tār hai