Tags-Dil

zinda ho jaatā huuñ maiñ jab yaar kā aatā hai ḳhat
rūh-e-tāza murda-dil ke vāste laatā hai ḳhat

dhamkiyāñ tahrīr hoñ yā zulm kā mazmūn ho
phir ye mere dil ko ai dildār bahlātā hai ḳhat

aañkh se kyā maiñ to apne dil se bāhar ho gayā
raqs hī aisā thā har ik dā.era kam paḌ gayā

saḳhtī-e-ġham señ mire dil kā lahū paanī ho
hashm-e-giryāñ satī jaarī hai ḳhudā ḳhair kare

dil-e-pur-āh siiñ mere vo sanam Dartā nahīñ
kaale nāgoñ kī piTārī hai ḳhudā ḳhair kare

ḳhāl-e-āriz pe yuuñ numāyāñ hai
daaġh dil kā nishān hai goyā

dard-e-dil kyuuñ kaheñ na ham un se
jab hamārī zabān hai goyā

yuuñ to qaa.em haiñ īmāñ pe apne magar
dil ke vahm-o-gumāñ se mukarte nahīñ

dil meñ jab tak na ho ik kasak dard kī
ādamiyyat ke jauhar nikharte nahīñ

be-bahā dil ko nazr kartā kaun
husn agar dilrubā nahīñ hotā

jo satātā hai dil jalātā hai
us kā hargiz bhalā nahīñ hotā

tere aage na yārān-e-ḳhud-sar jhuke terī chaukhaT se bhāge to dar dar jhuke
us jagah dil jhuke us jagah sar jhuke bandagī ke sivā koī chārā na thā

saaz fariyād ke dil ne chheḌe na the hijr aur vasl ke ye bakheḌe na the
ham ne dāman ke baḳhiye udheḌe na the tum ne zulfoñ ko apnī sañvārā na thā

donoñ afsāna-ḳhvāñ gird mahmil ke the qais sahrā kā thā ḳhizr manzil ke the
'maz.harī' bhī ġhulām apne hī dil ke the in divānoñ meñ koī tumhārā na thā

guzrī hai dil pe kaisī qayāmat maiñ kyā kahūñ
nafrat kī kā.enāt nahīñ chāhtā thā maiñ

ġhazab hai dilkashī husn-o-adā kī
javānī josh par aa.ī huī hai

maiñ to dil se us kī dānā.ī kā qaa.el ho gayā
dostoñ kī saf meñ hai aur dushman-e-jānī bhī hai

ai dil-e-be-jur.at itnī bhī na kar be-jur.atī
juz sabā us gul kā is dam pāsbāñ koī nahīñ

qissa tabāhiyoñ kā sunāyā na jā.egā
dil meñ jo ġham chhupā hai batāyā na jā.egā

us ne vafā kā rañg kuchh aisā chaḌhā diyā
ab dil pe koī rañg chaḌhāyā na jā.egā