Tags-Dil

ro rahe the dil ko ham yaañ hosh bhī jaate rahe
gum-shuda yūsuf ke pīchhe qāfila jaatā rahā

vādi-e-ġhurbat ke sāthī haiñ hameñ dil se aziiz
ro diye ham phuuT kar jab aabla jaatā rahā

abhī hai vaise kā vaisā hī haal andar kā
ki umr Dhal ga.ī dil kī safā.ī karte hue

vo ḳhvāb thā bikhar gayā ḳhayāl thā milā nahīñ
magar ye dil ko kyā huā kyuuñ bujh gayā patā nahīñ

ham apne is mizāj meñ kahīñ bhī ghar na ho sake
kisī se ham mile nahīñ kisī se dil milā nahīñ

vo ek shaḳhs jise ḳhud hī chhoḌ baiThe haiñ
ghulāe detā hai dil ko malāl kyā us kā

shauq kī ek umr meñ kaise badal sakegā dil
nabz-e-junūn hī to thī shahr meñ Dūbtī ga.ī

daur-ba-daur dil-ba-dil dard-ba-dard dam-ba-dam
tere yahāñ ri.āyat-e-hāl nahīñ rakhī ga.ī

kaise tai hogī ye manzil-e-shām-e-ġham kis tarah se ho dil kī kahānī raqam
ik hathelī meñ dil ik hathelī meñ jaañ ab kahāñ kā ye sūd-o-ziyāñ dosto

but-ḳhāne se dil apne uThā.e na ga.e
ka.abe kī taraf mizāj laa.e na ga.e

tujh ko rahā na apne zar-e-ġham kā e'timād
varna ye dil to dard-e-jahāñ kā amiin thā

'ārif' zabān us kī na detī thī dil kā saath
inkār kar ke aa.egā mujh ko yaqīn thā

ġhazal likhne lagā furqat meñ terī
koī dilkash sahārā chāhiye thā

dil nā-umīd to nahīñ nākām hī to hai
lambī hai ġham kī shaam magar shaam hī to hai

dard hai ki naġhma hai faisla kiyā jaa.e
ya.anī dil kī dhaḌkan par ġhaur kar liyā jaa.e

aaj sab haiñ be-qīmat girya bhī tabassum bhī
dil meñ hañs liyā jaa.e dil meñ ro liyā jaa.e

tumhī batāo ki maiñ khilkhilā ke kaise hañsūñ
ki roz ḳhāna-e-dil se alam nikalte haiñ

naam le us kā safar āġhāz kar
duur rakh dil ko zarā auhām se

dil-e-muztar ke baa.is roz-o-shab rahte haiñ bas larzāñ
dar-o-dīvār-e-ḳhāna tilmilānā is ko kahte haiñ

vo dushman apnā samjhe hai ba-dil maiñ dost huuñ jis kā
kahūñ kyā aur par ulTā zamāna is ko kahte haiñ