Tags-Dil

ye chashm-e-gauhar-afshāñ hazrat-e-dil jalva-farmā haiñ
nikal ghar se dar-e-daulat pe aanā is ko kahte haiñ

yād-e-lab-e-jānāñ hai charāġh-e-dil-e-ranjūr
raushan hai ye ghar aaj usī la.al-e-yamanī se

is vādī-e-vīrāñ meñ hai sar-chashma-e-dil bhī
hastī mirī sairāb hai āñkhoñ kī namī se

ik dil ke sivā paas hamāre nahīñ kuchh bhī
jo kaam ho le lete haiñ ham log isī se

sunsān hai zindāñ bhī bisān-e-dil-e-shā.er
ne shor-e-salāsil hai na hañgāma-e-fariyād

jise duniyā ne bas aañsū hī jaanā
farastāda thā ik dil ke nagar kā

kisī se haath milāne meñ dil nahīñ miltā
talab meñ shā.iba-e-ehtimāl aisā thā

koī dil sā dard-āshnā chāhtā huuñ
rah-e-ishq meñ rahnumā chāhtā huuñ

mire dil ne jhaTke uThā.e haiñ kitne ye tum apnī zulfoñ ke bāloñ se pūchho
kaleje kī choToñ ko maiñ kyā batā.ūñ ye chhātī pe lahrāne vāloñ se pūchho

dekhiye lāzim-o-malzūm ise kahte haiñ
dil hai dāġhoñ ke liye daaġh mire dal ke liye

har-sū jahāñ meñ shaam o sahar DhūñDte haiñ ham
jo dil meñ ghar kare vo nazar DhūñDte haiñ ham

taslīm hai ki juḌtā nahīñ hai shikasta dil
phir bhī dukān-e-ā.īna-gar DhūñDte haiñ ham

be-kaif dil hai aur jiye jā rahā huuñ maiñ
ḳhālī hai shīsha aur piye jā rahā huuñ maiñ

vo dil kahāñ hai ab ki jise pyaar kījiye
majbūriyāñ haiñ saath diye jā rahā huuñ maiñ

tark-e-vafā kī baat kaheñ kyā
dil meñ ho to lab tak aa.e

dil bechāra sīdhā saadā
ḳhud rūThe ḳhud maan bhī jaa.e

har sitam lutf hai dil ḳhūgar-e-āzār kahāñ
sach kahā tum ne mujhe ġham se sarokār kahāñ

rah-rav-e-shauq hai begāna-e-manzil varna
kūcha-e-dār kahāñ kūcha-e-dildār kahāñ

tum ko chāhā thā magar tum bhī vafā-dost nahīñ
dil pe takiya thā magar dil bhī vafādār kahāñ

tujhe chhū kar bhī mirī ruuh meñ shiddat nahīñ hai
dil-lagī sī hai ye dar-asl mohabbat nahīñ hai