Tags-Dil

abhī ilzām-e-taġhāful na de un ko ai dil
shām-e-va.ada sahar-e-va.ada-ḳhilāfī to nahīñ

ban kar phir aaseb bhaTakne lagte haiñ
dil ke vo ehsās jo marte jaate haiñ

zabt ke peḌ ne gul aur khilā.e ab ke
aur hī tarz kā ye dil to samar chāhtā thā

āḳhirī manzil-e-taskīn-e-dil-o-jān talak
manzileñ raah na kāTeñ ye safar chāhtā thā

ek gahrī sī nazar rauzan-e-dil ke andar
dasht-e-ehsās kahāñ shams o qamar chāhtā thā

ishq tū bhī zarā Tikā le kamar
dil bhī ab so gayā hai raat ga.e

palaT ke haal na pūchhā fareb-kāroñ ne
ye dil ke saath mire ek aur ghaat jale

hai pyaas aisī ki 'dilshād' aañsū tak haiñ piye
ki tere hijr meñ dil merā baat baat jale

ik naaz bhare dil meñ ye ishq kā hañgāma
ik gosha-e-ḳhalvat meñ ye dasht kī pahnā.ī

ik aabla thā so bhī gayā ḳhār-e-ġham se phaT
terī girah meñ kyā dil-e-andoh-gīñ rahā

nigāh-e-ishq dil-e-zinda kī talāsh meñ hai
shikār-e-murda sazā-vār-e-shahbāz nahīñ

mirī navā meñ nahīñ hai adā-e-mahbūbī
ki bāñg-e-sūr-e-sarāfīl dil-navāz nahīñ

be-nām sī ik aag dahak uThtī hai dil meñ
mahtāb jo ThanDak sī ugaltā hai sar-e-shām

ye dil hai mirā yā kisī kuTiyā kā diyā hai
bujhtā hai dam-e-sub.h to jaltā hai sar-e-shām

hai nūr-e-nashshā ziyā-baḳhsh dīda-e-irfāñ
dur-e-yagāna-e-dil kī hai āb-o-tāb sharāb

zāhir meñ kyā rafīq kahāte haiñ aap kuuñ
lekin unoñ ke dil meñ mohabbat nahīñ rahī

juuñ tuuñ rasta kaT jaatā hai aur bandī-ḳhāna aatā hai
chal kaam meñ apne dil ko lagā yuuñ koī mujhe samjhātā hai

taḌpūñgā umr-bhar dil-e-marhūm ke liye
kam-baḳht nā-murād laḌakpan kā yaar thā

Dar nahīñ thūkte haiñ ḳhuun jo dukh paa.e hue
laḳht-e-dil ban ke nikal jā.eñge ġham khaa.e hue

dam nikalnā hai dil-e-zār kā hai haal aḳhīr
naale aate haiñ laboñ tak mire ghabrā.e hue