Tags-Dil

is shahr meñ shāyad koī dil vaalā nahīñ hai
jo husn kahīñ bantā sañvartā nahīñ dekhā

hai dil ko mere āriz-e-jānāñ se irtibāt
bulbul ko jis tarah ho gulistāñ se irtibāt

azm-e-buland jo dil-e-bebāk meñ rahā
aks-e-jalīl us kā mirī ḳhaak meñ rahā

baḌī muddat se terā husn dal bin kar dhaḌaktā hai
baḌī muddat se dil terī tamannā meñ nahīñ rahtā

yahī vo vaqt hai jab aadmī ko hosh aatā hai
ḳhudā kī yaad se ġhāfil Dil-e-pur-ġham nahīñ hotā

ġham-e-mohabbat meñ dil ke dāġhoñ se rū-kash-e-lāla-zār huuñ maiñ
fazā bahārīñ hai jis ke jalvoñ se vo harīf-e-bahār huuñ maiñ

purāne yaar bhī aapas meñ ab nahīñ milte
na jaane kaun kahāñ dil lagā ke baiTh gayā

asrār-e-ishq hai dil-e-muztar liye hue
qatra hai be-qarār samundar liye hue

āshob-e-dahr o fitna-e-mahshar liye hue
pahlū meñ ya.anī ho dil-e-muztar liye hue

pahlī nazar bhī aap kī uff kis balā kī thī
ham aaj tak vo choT haiñ dil par liye hue

hazār baar hī uchaTā hai merā dil us se
hazār baar hī ye duniyā mujh ko aa.ī raas

baḌhī huī hai 'sabā' aaj us kī yaad kī lau
chamak uThī hai mire dil meñ phir bujhī huī aas

ham ne hī mahr ko zahr se badlā varna zamīñ kī gardish ne
din ġham-ḳhvār banāyā thā aur shab dildār banā.ī thī

TuuTe dil palkoñ se sambhāleñ ab aise fankār kahāñ
varna ye duniyā jab ujḌī thī sau sau baar banā.ī thī

āñkhoñ meñ hai kaisā paanī band hai kyuuñ āvāz
apne dil se pūchho jānāñ merī chup kā raaz

dil kī har dhaḌkan kā maujib diid shunīd tirī
siine meñ jaltī sāñsoñ kā tū hī ek javāz

nāseh baġhal meñ aa kar dushman huā hamārā
jā.egā kab ilāhī majlis se ḳhaar dil kā

ilāhī jazba-e-dil kā asar itnā na ho un par
pareshāñ vo na ho jaa.eñ mire hāl-e-pareshāñ se

mere marne kī ḳhabar sun kar lagā kahne vo shoḳh
dil hī dil meñ apne kuchh kuchh soch kar achchhā huā

lagā kar un ko dil se maiñ safar kartā rahā barsoñ
vo kuchh lamhe jo mere hausloñ kī jaan the lekin