Tags-Dil

payām-e-vasl se dil baaġh baaġh ho jaa.eñ
laboñ pe shikva-e-be-mehrī-e-butāñ na rahe

jhūT-mūT un se maiñ kuchh maslahatan bolūñgā
sach hai tū bol na uThiyo dil-e-āgāh ki jhuuT

zamāne kā ye haal aur dil kā ye haal
kaho kis tarah rahtī sharam aur hayā hai

ḳhudā kī taraf jin ne dil ko lagāyā
huā faz us ke se vo ambiyā hai

suneñ dal ke muñh se maiñ jab aisī bāteñ
ḳhudā shāhid hai maiñ ne ro ro diyā hai

kahūñ kyā kyā yaaro maiñ dil ke tamāshe
ye to svāñg laane ko bahrūpiyā hai

na bik aage ab 'nayan' ḳhāmosh ho rā
ye dil hai terā yaar lañgoTiyā hai

jab se zulfoñ kā paḌā hai us meñ aks
dil mirā TuuTā huā ā.īna hai

sar-ba-mohr-e-dāġh karte haiñ 'azīz'
dil hamārā ishq kā ganjīna hai

sad shukr vo the mā.il-ba-karam mar.ūb the ro.ab-e-husn se ham
un se ahvāl-e-dil-e-pur-ġham kahne kī jasārat kyā karte

kis darja mire shahar kī dilkash hai fazā bhī
mānūs har ik chiiz hai miTTī bhī havā bhī

har aan badaltī huī duniyā hai ye 'nādir'
yaañ dil ke lagāne kī nahīñ hai koī jā bhī

soḳhta kashtī kā malba maiñ mirā dil aur shaam
ġham-zada utre hue dariyā kā sāhil aur shaam

soz-e-ġham-e-firāq se dil ko bachā.e kaun
zālim tirī lagā.ī huī ko bujhā.e kaun

tevar chaḌhā ke pūchh rahe haiñ vo hāl-e-dil
rūdād-e-ġham to yaad hai lekin sunā.e kaun

ġham rahā jab tak ki dam meñ dam rahā
dil ke jaane kā nihāyat ġham rahā

us kī sābit-qadamī par satī qurbān huuñ meñ
khet chhoḌā nahīñ mujh dil ne parat ke ran meñ

kyuuñ na ho.e dil-e-yāqūt-labāñ mom 'sirāj'
kaam kartā hai mirī aah kā hiirā khan meñ

zinda rahne kī talab is liye pyārī na rahī
koī vaq.at dil-e-qātil meñ hamārī na rahī

pareshāñ dil huuñ maiñ tanhā.ī se 'mātam' zamāne meñ
na ham-daurān-e-faizī huuñ na ham-asr-e-fayāzī huuñ