Tags-Dil

hamārā dil koī shīsha nahīñ thā
par ab ke sañg-bārī aur hī thī

mire dil pe barq sī gir paḌī ye kahā jo murġh-e-asīr ne
mire āshiyāne kī shāḳh bhī kabhī thī chaman meñ harī-bharī

vahī aah asl meñ aah hai vahī naala asl meñ naala hai
ki idhar jo dil se nikal paḌe to udhar falak meñ ho thartharī

par manzar-e-ġhurūb bahut dil-nashīñ hai kyuuñ
maġhrib kī shaam apnī sahar se hasīñ hai kyuuñ

dil meñ ik shor uThā haath chhuḌāne se tire
der tak phir koī āvāz sunā.ī nahīñ dī

kar diyā hai tum ne dil ko mutma.in
dekh lenā saḳht ghabrā jā.egā

hazrat-e-dil kaam se jā.ūñgā maiñ
dil-lagī meñ aap kā kyā jā.egā

zabāñ mudda.ā-āshnā chāhtā huuñ
dil ab zindagī se ḳhafā chāhtā huuñ

tire dil ko dard-āshnā chāhtā huuñ
bhalā chāhtā huuñ burā chāhtā huuñ

kis vaqt meñ basā thā ilāhī ye mulk-e-dil
sadme hī paḌte rahte haiñ nit is dayār par

dil ke āñgan meñ jo dīvār uThā lī jaa.e
ek khiḌkī bhī mohabbat kī banā lī jaa.e

dil bhī sanam-parast nazar bhī sanam-parast
is āshiqī meñ ḳhāna hama-āftāb thā

tumhārā dil
tajalliyoñ ke tuur kī ziyā se

hijr o visāl kī sardī garmī sahtā hai
dil darvesh hai phir bhī raazī rahtā hai

har aañsū meñ ātish kī āmezish hai
dil meñ shāyad aag kā dariyā bahtā hai

dil ko shāyad fasl-e-bahārāñ raas nahīñ
baaġh meñ rah kar ḳhushbū ke dukh sahtā hai

taarā taarā hijr ke qissa phaile haiñ
aañsū aañsū dil kā sāgar bahtā hai

aarzū dil meñ banā.e hue ghar hai bhī to kyā
us se kuchh kaam bhī nikle ye agar hai bhī to kyā

na vo pūchhe na davā de na vo dekhe na vo aa.e
dard-e-dil hai bhī to kyā dard-e-jigar hai bhī to kyā

sub.h tak kaun jiyegā shab-e-tanhā.ī meñ
dil-e-nādāñ tujhe ummīd-e-sahar hai bhī to kyā