Tags-Dil

vo tajassus apnā bhī ḳhuub thā ki talāsh-e-haq thī jagah jagah
magar apne dil pe paḌī nazar to maiñ ek lamhe meñ pā gayā

hai 'amīr' dil meñ vahī chamak jo paḌī thī nuur kī ik jhalak
vahī ek partav-e-husn to mirī zindagī ko sajā gayā

dil hī to hai zabāñ nahīñ shikva nahīñ kareñge ham
lekin ye shart kis liye jī ko malāl hī na ho

jo qatra qatra piyā ham ne zindagī kā zahr
to 'rind' ban ke har ik dil kā dard bahne lage

hazār shukr vo āshiq to jānte haiñ mujhe
jo kahte haiñ ki tirā dil kahīñ zarūr aayā

tairtā hai zehn yuuñ jaise fazā meñ kuchh nahīñ
aur dil siine meñ hai ik māhi-e-be-āb sā

khiñchī huī chalī aatī hai is meñ ik duniyā
samā rahā hai mire dil meñ yuuñ ḳhayāl tirā

dil par kisī patthar kā nishāñ yuuñ hī rahegā
tā-umr ye shīshe kā makāñ yuuñ hī rahegā

ḳhalq-e-ḳhudā kā ḳhauf to dil meñ nahīñ rahā
tum ko ḳhudā kā ḳhauf bhī aatā nahīñ hai kyā

raat chupke se le uḌī thī havā
raaz dil kā batā diyā hogā

hijr ke maare dil ko bhī us ne
jaane kaise sulā diyā hogā

dur durj-e-vafā kī aab huuñ maiñ
dil ke ā.īne kī safā huuñ maiñ

likhūñ gar dāstān-e-ranj-o-alam
dil-e-ba-shikasta kī sadā huuñ maiñ

dil ke muāmle meñ natīje kī fikr kyā
aage hai ishq jurm-o-sazā ke maqām se

ham to bachpan meñ bhī akele the
sirf dil kī galī meñ khele the

dil ko bachāne ke liye jaañ ko sipar karte rahe
logoñ se āḳhir kyā kaheñ 'shahpar' bachā kuchh bhī nahīñ

jaise maiñ dabtā jaatā huuñ un ā.ankhoñ ke bojh tale
dil par do ashkoñ kā ik ehsān ubhartā aatā hai

dil kī rāheñ judā haiñ duniyā se
koī bhī rāhbar nahīñ hotā

tumhāre naam pe dil ab bhī ruk sā jaatā hai
ye baat vo hai ki is se mafar nahīñ hotā

dhoke se us hasīñ ko agar chuum bhī liyā
pāoge dil kā zahar laboñ kī miThās meñ