Tags-Dil

dard-e-dil sun kar tumheñ niiñd aa chukī
banda-parvar ye fasānā aur hai

raat bhar meñ sham-e-mahfil jal-bujhī
āshiqoñ kā dil jalānā aur hai

kis kī ḳhātir ab tū dhaḌaktā rahtā hai
ai dil kar ārām kahānī ḳhatm huī

raat meñ dil ko kyā sūjhī hai us ke gaañv ko chalne kī
jañgal meñ chīte rahte haiñ raah meñ naddī naale haiñ

āh-e-sahar ne sozish-e-dil ko miTā diyā
is baad ne hameñ to diyā sā bujhā diyā

suḳhan kā ye narm-sail dariyā Dhale to ik ābshār bhī hai
nasheb-e-dil tak utar ke paḌhnā baḌī tavānā.iyāñ likhī haiñ

ye mere naġhmoñ kī dil-rasī terī jhiil ā.ankhoñ kī shā.erī hai
jamāl kī sat.h dī hai tū ne to maiñ ne gahrā.iyāñ likhī haiñ

ta.alluqāt mohabbat kī jaan hotī hai
vo ik nigāh ba-zāhir jo dil-navāz nahīñ

sunā.ī detī hai mahsūs jān-o-dil ho kar
vo ik sadā jo hanūz āshnā-e-sāz nahīñ

raat kitnī bojhal hai kis qadar añdherā hai
dil gavāhī detā hai paas hī saverā hai

kā.enāt ke dil meñ raqs-e-sad-e-bahārāñ bhī
kā.enāt ke dil meñ yaar kā bhī Derā hai

kis ko sunā.ūñ hasrat-e-iz.hār kā gila
dil fard-e-jama-o-ḳharch zabāñ-hā-e-lāl hai

pahlū-tahī na kar ġham-o-andoh se 'asad'
dil vaqf-e-dard kar ki faqīroñ kā maal hai

tere jhoñkoñ ne uḌāyā hai jise vaqt-e-sahar
ai sabā ḳhaak vo mere dil-e-bīmār kī thī

vo jo uTThe to qayāmat ne uThāyā sar ko
vo bhī muhtāj magar qāmat-e-dildār kī thī

zo.af ne kar diyā ḳhāmosh 'jamīla' varna
ham se raunaq to kabhī kūcha-e-dildār kī thī

ḳhāna-e-dil meñ tum apne jhāñk kar dekho zarā
mere iḳhlās-o-mohabbat kā vahāñ bhī nuur hai

vo sarāpā husn hai aur maiñ sarāpā ishq huuñ
saaz se dil us kā merā soz se ma.amūr hai

dil kī taklīf kam nahīñ karte
ab koī shikva ham nahīñ karte

mujalla huā jab se dil hai hamārā
na marqad meñ apne añdherī rahegī