Collections

Lab Shayari

Motivational Ghazals

Best Khamoshi Shayari

More Collections

Tags-Charagh

bas ek raat kā mehmān charāġh-e-hastī hai
sirhāne ro.egī ab sham.a gor hañstī hai

nazzara-e-ruKH-e-saqi se mujhko masti hai

raat palkoñ pe sajātā huuñ vafāoñ ke charāġh
din nikalne pe ye andāz kahāñ hotā hai

jazba-e-shauq ka izhaar kahan hota hai

kabhī ga.e the havāoñ kā sāmnā karne
sabhī charāġh usī anjuman meñ lauT aa.e

ki jaise koi musafir watan mein lauT aae

charāġh-e-shauq jalā kar kahāñ se jaanā thā
hameñ to ho ke saf-e-dushmanāñ se jaanā thā

charagh-e-shauq jala kar kahan se jaana tha

vo ek sham ki ḳhud jal uThe haiñ ghar ke charāġh
vo ek sub.h ki ḳhud jis pe ro paḌī shabnam

na koi aah na koi KHalish na dard na gham

ai 'sham.a' kis ne dī thī tujhe aisī bad-duā
ghar meñ koī charāġh na jaltā dikhā.ī de

manzil mile na koi bhi rasta dikhai de

ye charāġh jaise lamhe kahīñ rā.egāñ na jaa.eñ
koī ḳhvāb dekh Daalo koī inqilāb laao

ye charagh jaise lamhe kahin raegan na jaen

aa dil kī bastī ābād kar de
ik shab charāġh-e-vīrāna ban jā

hosh o KHirad se begana ban ja

zindagī ik siyāh raat sahī
āshiqī ik charāġh-e-rāh to hai

ishq ka koi KHair-KHwah to hai

baḌhī hai ḳhāna-e-dil meñ kuchh aur tārīkī
charāġh-e-ishq jalāyā thā raushnī ke liye

baDhi hai KHana-e-dil mein kuchh aur tariki

abhī to jaag rahe haiñ charāġh rāhoñ ke
abhī hai duur sahar thoḌī duur saath chalo

abhi to jag rahe hain charagh rahon ke

kahāñ se DhūñDh ke lā.ūñ charāġh sā vo badan
taras ga.ī haiñ nigāheñ kañval kañval ke liye

meri nazar se na ho dur ek pal ke liye

koī charāġh agar ho mire ta.āqub meñ
thakan sameTtā jā.ūñ nuqūsh-e-pā se maiñ

rujua karte hue apne muddaa se main

ik darīcha us galī meñ aaj tak
be-charāġh o be-nishāñ ābād hai

dil mein yaad-e-raftagan aabaad hai

maiñ vo charāġh huuñ jo āñdhiyoñ meñ raushan thā
ḳhud apne ghar kī havā ne bujhā diyā hai mujhe

KHuda ne kyun dil-e-dard-ashna diya hai mujhe

zulmat kahīñ na kar de ujāle ko dāġh-dār
le kar charāġh-e-dīda-e-tar jāgte raho

hoshyar kar raha hai gajar jagte raho

bujhā rakhe haiñ ye kis ne sabhī charāġh-e-havas
zarā sā jhāñk ke dekheñ kahīñ havā hī na ho

bujha rakhe hain ye kis ne sabhi charagh-e-hawas

charāġh-e-ishq hai aañsū se raushan
kisī kā ḳhūn-e-dil roġhan kisī kā

dil-e-viran bhi tha maskan kisi ka

tumhāre jaane se kuchh ḳhaas to nahīñ huā bas
charāġh rakkhe ga.e ā.īne utāre ga.e

abhi abhi jo falak par se guzare gae

har ik nafas pe guzartā hai ye gumāñ jaise
charāġh le ke havāoñ se jañg par jaanā

safar mein rah ke aashob se na Dar jaana