Tags-Bijli

azīz-tar hai matā-e-amīr-o-sultāñ se
vo sher jis meñ ho bijlī kā soz o barrāqaifī

hamāre Dūbne ke baad ubhreñge na.e taare
jabīn-e-dahr par chhaTkegī afshāñ ham nahīñ hoñge

galiyoñ kī sham.eñ bujh ga.iiñ aur shahr suunā ho gayā
bijlī kā khambā thaam kar bāñkā sipāhī so gayā

dayār-e-ġhair meñ jis din chalī ga.ī bijlī
black ho ga.ī ghar kī fazā añdhere meñ

pahle to maiñ chīḳh ke royā aur phir hañsne lagā
bādal garjā bijlī chamkī tum yaad aa.e

mausam badlā bijlī chamkī manzar saarā bhiig gayā
apne apne ghar chalne kī baat karo to behtar hai

bijlī ik kauñd ga.ī āñkhoñ ke aage to kyā
baat karte ki maiñ lab-tishna-e-taqrīr bhī thā

havā meñ jab uḌā parda to ik bijlī sī kaundī thī
ḳhudā jaane tumhārā partav-e-ruḳhsār thā kyā thā

ḳhaar matlūb jo hove to gulistāñ māñgūñ
bijlī girne ko jo jī chāhe to bārāñ māñgūñ

bijlī girī thī kab ye kisī ko ḳhabar nahīñ
ab tak chaman meñ aag lagī hai bahār meñ

larzish-e-sīmāb bijlī kī taḌap shāḳhoñ kā loch
aql kī tezī tabī.at kī upach shā.ir kā soch

jis ne ik ahd ke zehnoñ ko jilā dī hogī
mere āvāra ḳhayālāt kī bijlī hogī

tire ḳhayāl kī tamsīl yuuñ samajh jānāñ
dil o dimāġh meñ bijlī sī ik chamak jaa.e

gir bhī jaatī nahīñ kam-baḳht ki fursat ho jaa.e
kauñdtī rahtī hai bijlī mire ḳhirman ke qarīb

na chhalāve meñ hai na bijlī meñ
terī raftār meñ jo chhalbal hai

rag rag meñ nizām-e-fitrat kī raqsāñ hai mohabbat kī bijlī
ho laakh tazād azdād meñ bhī ik rābta bāham hotā hai

bijlī kā pahlū gudgudāyā bharīñ chuTkiyāñ bhī
jhūmā jhaTkī kar ke dikhāne lage zor bādal

havā meñ ik musalsal irti.āsh-e-shauq hai pinhāñ
fazā meñ paiham ik bijlī sī raqsāñ hai jahāñ maiñ huuñ

paḌhī jab fātiha to paḌhte paḌhte hañs diyā goyā
girā.ī aap ne bijlī jab aa.e mere madfan par

ghaTā ġham ashk paanī aah bijlī
barastā hai ajab barsāt tum bin