Tags-Barg

bahār kī savāriyoñ ke ham-rikāb kyuuñ rahe
ḳhizāñ kā barg-o-bār par itaab dekhtā huuñ maiñ

aaj se pahle ham sabhī samjhe the us ko barg-e-gul
tajraba-e-jalālat-e-rū-e-nigār kis ko thā

ḳhūn-e-jigar shāmil hai merā is gulzār kī raunaq meñ
sehn-e-chaman se barg o shajar tak ek kahānī biich meñ hai

jis chiiz ko chhū diyā hai tū ne
ik barg-e-nabāt ho ga.ī hai

mire lahū se agar ho ke surḳh-rū aa.e
malo to barg-e-hinā meñ vafā kī bū aa.e

chaman bhī ho koī amboh-e-ḳhār-o-ḳhas jaise
ye kār-ḳhāne to barg o samar banāte haiñ

harf barg-e-ḳhushk ban kar TūTte girte rahe
ġhuncha-e-arz-e-tamannā hoñT par phūTā nahīñ

sab ke tan meñ hai libās-e-kesrī
karte haiñ sad-barg suuñ lab ham-sarī

kisī ne din meñ tamām chhāñv utaar lī hai
ye barg o gul to yūñhī shajar se bañdhe hue haiñ

barg bhar baar mohabbat kā uThāyā kab thā
tum ne siine meñ koī dard basāyā kab thā

hai rashk-e-mahr zarra is manzil-e-kuhan kā
tultā hai barg-e-gul se kāñTā bhī is chaman kā

hāthoñ se tire bahār-e-ḳhūbī
sharminda-e-barg-e-pāñ nahīñ ham

tujh ḳhatt-e-pusht-e-lab meñ tis kā suḳhan huā sabz
us kī zabāñ dahan meñ mānind-e-barg-e-pāñ hai

maiñ ek barg-e-ḳhushk kabhī kā asīr-e-gard
phir kaun Daal Daal mujhe Tāñkne lagā

ye ḳhushk-sālī ki muddatoñ se chaman meñ aa kar pisar ga.ī hai
kabhī to naḳhl-e-murād jhūme kahīñ to kuchh barg-o-bār aa.eñ

Tahnī se girā do barg-e-larzāñ
imkān hai taaza sānehe kā

benām-o-nishāñ barg sī āvāra-e-manzil
kuchh mujh pe karam shāḳh kā kuchh zor havā kā

vo din bhī the ki aañkh bichhāte the barg-o-gul
ab mujh pe multafit ḳhas-o-ḳhāshāk bhī nahīñ

āñdhī meñ barg-e-gul kī zabāñ se adā huā
vo raaz jo kisī se abhī tak kahā na thā

dast-e-fitrat ke tarāshe hue do-barg-e-gulāb
dil ke TuuTe hue TukḌoñ ko banā.e hue hoñT