Tags-Zindagi

zindagī kī dauḌ meñ pīchhe na thā
rah gayā vo sirf do ik gaam se

zindagī mast thī tab apnī fazāoñ meñ magan
khelī thī vaqt ne jo ghaat batāne kī nahīñ

vaqt ne kī thī raqam us ghaḌī ik umda misāl
zindagī thī jo tire saath batāne kī nahīñ

panja-e-gul se bhī ye matvāle
dāman-e-zindagī chhuḌā na sake

maiñ aaj zindagī kī kaḌī manziloñ meñ huuñ
ḳhud kah rahā huuñ miliye to anjān kī tarah

ye mujh ko kis maqām pe le aa.ī zindagī
yā rab koī farār kā rasta dikhā.ī de

paikār-e-ḳhair-o-shar se guzar aa.ī zindagī
terī vafā kā daur thā ahd-āfrīñ bahut

masrūr ho rahe haiñ ġham-e-āshiqī se ham
kyuuñ tañg hoñge kashmakash-e-zindagī se ham

rāh-e-vafā meñ jī ke mare mar ke bhī jiye
khelā usī tarah se kiye zindagī se ham

ḳhud dard ban gayā mirā darmān-e-zindagī
itnā qarīb ho ga.e kuchh dard hī se ham

jo maqsad-e-hayāt ko bhūle vahī kaheñ
tañg aa chuke haiñ kashmakash-e-zindagī se ham

tumheñ bhejūñ kitāb-e-zindagī apnī
zarā tartīb de denā

jahāñ se hotā hai pyāre ḳhudā kā naam shurūa
vahīñ se karte ham zindagī kā kaam shurūa

na socho vaqt bahut kam hai zindagī kam hai
jo ho sake to karo gardish-e-mudām shurūa

mujhe zindagī se azīz-tar
faqat ek terī hī zaat thī

jo jī rahe haiñ unhī ke liye har ik ġham hai
zahe-nasīb ki phūloñ kī zindagī kam hai

tū chalā gayā hai to shahr phir vahī dasht-e-ġham hai mire liye
vahī maiñ huuñ aur mirī zindagī mire āñsuoñ meñ bharī huī

is zindagī kī jañg meñ har ik mahāz par
mere muqāble meñ mirī zaat DaT ga.ī

tū mirī zindagī kī shaam na ban
maiñ tirī sub.h kā ujālā huuñ

ik baras zindagī kā biit gayā
tah jamī ek aur kaa.ī kī