Tags-Zindagi

har qadam par Thokaroñ meñ zindagī baTtī rahī
aadmī kī raah meñ sab marhale patthar ke the

jo bhī ho jis haal meñ hai zindagī us ko aziiz
jān-e-jāñ kahne se kuchh jān-e-jahāñ hotā nahīñ

dil ko thā ibtidā-e-mohabbat meñ jin pe naaz
vo apnī zindagī ke sahāre nahīñ rahe

jhukā.iye dil ko sar se pahle ki lutf hāsil ho zindagī kā
na ho agar ijz bandagī meñ to bandagī kā mazā nahīñ hai

ye maiñ ne maanā ki zindagī meñ havādisāt-e-jahāñ bhī kuchh haiñ
magar hai mujh par karam bhī un kā nasīb merā burā nahīñ hai

pata hī miltā nahīñ kuchh us kā hameñ to bāzār-e-zindagī meñ
to kyā jahān-e-ḳharāb meñ ab kahīñ bhī jins-e-vafā nahīñ hai

jahāñ se hai rābta jahāñ tak jahāñ hamārā jahāñ ke dam haiñ
ye kaise kah deñ ki zindagī meñ kisī se kuchh vāsta nahīñ hai

zindagī talḳh to nahīñ lekin
vāqi.a koī ho gayā hogā

saath aa.e koī ki rah jaa.e
zindagī muḌ ke dekhtī hai kahāñ

zindagī jis ko tirā pyaar milā vo jaane
ham to nākām rahe chāhne vāloñ kī tarah

tū nahīñ to zindagī meñ aur kyā rah jā.egā
duur tak tanhā.iyoñ kā silsila rah jā.egā

mirā vajūd mirī zindagī kī had na sahī
kabhī jo tai hī na ho maiñ vo fāsla bhī nahīñ

zindagī zindagī se ruuTh ga.ī
haa.e ab kis ko āshnā kahiye

hamāre dam se ġham-e-zindagī kī azmat hai
hamāre saath sitam-hā-e-rozgār chale

ik ek saañs haiñ sadiyoñ kā dard shāmil hai
tumhārī bazm meñ vo zindagī guzār chale

mujhe zindagī yūñhī be-kār lagtī
tirā pyaar man meñ samoyā na hotā

ḳhvāboñ pe iḳhtiyār na yādoñ pe zor hai
kab zindagī guzārī hai apne hisāb meñ

kuchh dinoñ ke liye manzar se agar haT jaao
zindagī bhar kī shanāsā.ī chalī jaatī hai

maze ishq ke kuchh vahī jānte haiñ
ki jo maut ko zindagī jānte haiñ

magar vo mañd mañd muskurātī maut
bhar ke jām-e-zindagī