Tags-Visaal

shab-o-roz raqs-e-visāl thā so nahīñ rahā
kabhī tujh ko merā ḳhayāl thā so nahīñ rahā

ne dimāġh-e-visāl hai ham ko
kuchh unheñ pesh-o-pas hai kyā kiije

hijr lāhiq huā visāl ke ba.ad
kyā hī ulTā mirā muqaddar thā

jo visāl-o-hijr se duur hai jo karam sitam se hai be-ḳhabar
kuchh uThā huā hai vo dard bhī kuchh uThī huī vo nazar bhī hai

ye visāl-o-hijr kī bahs kyā ki ajiib chiiz hai ishq bhī
tujhe pā ke hai vahī dard-e-dil vahī rañg-e-zaḳhm-e-jigar bhī hai

ab aa bhī jaao ki ik dūsre meñ gum ho jaa.eñ
visāl-o-hijr kā qissa bahut purānā huā

shab-e-visāl meñ din bhī milā na leñ ai dost
ki raat ḳhatm huī aur baat baaqī hai

bañdhe kyā kisī se ummīd-e-visāl
nazar se nazar kab milāte haiñ aap

nasīb-var tumheñ to tauq-e-hasrat-e-fanā milā
hameñ to ḳhauf-e-lamha-e-visāl de diyā gayā

tirī jabīñ pe jo ik baar jagmagāyā thā
vo ik sitāra mere lamha-e-visāl meñ hai

'mā.il' na ho visāl to kyā ishq kā mazā
ma.ashūq duur se vo hamāre hue to kyā

mirī nigāh meñ jachtā nahīñ koī 'āsif'
visāl-e-yār ko hāsil dobāra karnā hai

kabhī vo mastī meñ rañg laa.e kabhī kiyā shaad muskurā.e
ajab tarah ke maze uThā.e visāl kī shab meñ ḳhvāb kaisā

ḳhud apne dil kā ḳhuun fazā meñ uchhāl ke
mazmūñ likhe haiñ ham ne firāq o visāl ke

ufuq-e-zehn pe chamkā tirā paimān-e-visāl
chāñd niklā hai mire ālam-e-tanhā.ī kā

kabhī kasak judā.ī kī kabhī mahak visāl kī
qadam na the zamīñ pe jab vo umr thī kamāl kī

gul-e-havas bhī hai shāḳh-e-visāl kā hissa
charāġh-e-lāla kī taaza kalī meñ dekh mujhe

sub.h-e-visāl-e-zīst kā naqsha badal gayā
murġh-e-sahar ke bolte hī dam nikal gayā

bichhaḌ ke tujh se mayassar hue visāl ke din
haiñ tere ḳhvāb kī rāteñ tire ḳhayāl ke din

khile haiñ phuul kī sūrat tire visāl ke din
tire jamāl kī rāteñ tire ḳhayāl ke din