Collections

Lab Shayari

Motivational Ghazals

Best Khamoshi Shayari

More Collections

Tags-Asbaab

maiñ ek aise safar par huuñ dosto ki jahāñ
musībatoñ ko bhī asbāb likhā jaatā hai

haqiqaton ko yahan KHwab likkha jata hai

mil hī jaate haiñ pashīmāni-e-ġham ke asbāb
shauq-e-hirmāñ kī mudārāt chalī jaatī hai

rawish-e-husn-e-muraat chali jati hai

said huuñ roz-e-azal se ālam-e-asbāb kā
aur vā rakhtā huuñ siine meñ darīcha ḳhvāb kā

said hun roz-e-azal se aalam-e-asbab ka

āḳhir ayaañ huā ki marāsim kī zail meñ
asbāb-e-dil-shikastagī paimān hī kā hai

nafe hai kuchh to wo kisi faizan hi ka hai

shakeb o taab o hosh o sabr soz-e-ġham se sab sulgā
huā to.ama ġharaz apnā tamām asbāb ātish kā

rakhe hai rang kuchh saqi sharab-e-nab aatish ka

kyā haiñ asbāb-e-zavāl-e-muslim-e-āshufta-hāl
kal jo hākim thā vo ab mahkūm kaise ho gayā

bani-e-shahr-e-sitam mazlum kaise ho gaya

TukḌe ka.ī ik dil ke maiñ aapas meñ siye haiñ
phir sub.h talak rone ke asbāb kiye haiñ

TukDe kai ek dil ke main aapas mein siye hain

hai va.ada-e-vasl aaj mujh ko
asbāb-e-tarab basāhnā hai

bas hum hain shab aur karahna hai

naam ko ai dil na rakh asbāb-e-islāh-e-junūñ
vādī-e-vahshat meñ chal kar nashtar-e-har-ḳhār toḌ

kuchh nahin hasil sipar ko chir ko ya talwar toD

dil irtiqā-e-zehn kā hāsil to ho gayā
husn-e-yaqīñ ko ālam-e-asbāb le gayā

zauq-e-nazar ko jalwa-e-be-tab le gaya

rakhte haiñ ham maqsad-e-tāmīr-e-nau pesh-e-nazar
garche haiñ min-jumla-e-asbāb-e-vīrānī hanūz

kashmakash mein hain teri zulfon ke zindani hanuz

tamām asbāb-e-duniyāvī ke badle
hai ik be-raunaqī apnī dukāñ meñ

gareban chaak hain gul bostan mein

apne jiine ke ham asbāb dikhāte haiñ tumheñ
dosto aao ki kuchh ḳhvāb dikhāte haiñ tumheñ

apne jine ke hum asbab dikhate hain tumhein

ik ijz ishq is kā asbāb-e-sad-alam thā
kal 'mīr' se bahut maiñ ho kar do-chār royā

daman-e-koh mein jo mein DaDh mar roya

sajda bhī hai minjumla-e-asbāb-e-numā.ish
jo ḳhud se guzar jaate haiñ sajda nahīñ karte

hum aankhon se bhi arz-e-tamanna nahin karte

aalam meñ āb-o-gil ke kyūñkar nibāh hogā
asbāb gir paḌā hai saarā mirā safar meñ

aae hain mir kafir ho kar KHuda ke ghar mein

ab vahī duniyā meñ Thahre amn-e-ālam ke amiiñ
jo amaañ kī jā tak asbāb-e-tabāhī le ga.e

faujiyon ke sar to dushman ke sipahi le gae

yaañ kuchh asbāb ke ham bande hī muhtāj nahīñ
na zabāñ ho to kahāñ nām-e-ḳhudā paidā ho

choT dil ko jo lage aah-e-rasa paida ho

apne jiine ke ham asbāb dikhāte haiñ tumheñ
dosto aao ki kuchh ḳhvāb dikhāte haiñ tumheñ

apne jine ke hum asbab dikhate hain tumhein

jahāñ sāmān vahshat ke use vahshat-sarā kahiye
jahāñ asbāb-e-vīrānī vo vīrāna hai ghar kyā hai

yahan kya hai wahan kya hai idhar kya hai udhar kya hai