Tags-Asbaab

duniyā kā chalan dekh ke lagtā to yahī hai
ab kuchh bhī nahīñ ālam-e-asbāb se aage

subuk-dosh-e-ziyāñ kar diiñ ziyāñ-andeshiyāñ dil kī
zarā asbāb-e-duniyā rāh-e-duniyā meñ luTāo nā

tahā.if kī jinheñ ummīd thī vo muntazir haiñ
musāfir aa chukā hai ab zarā asbāb utre

ham ki sharminda-e-asbāb nahīñ hone ke
hukm jab hogā to be-raḳht-e-safar jā.eñge

us vaqt bhī zohd-o-taqva par qaa.em rah jā.ūñ tab kahnā
jis vaqt mujhe mai-noshī ke asbāb farāham ho jaa.eñ

kyā ġham-e-asbāb zāhir kā na ho jis ko qayām
chashm-e-ma.anī-bīñ meñ yaksāñ hai agar thā yā na thā

muhayyā sab hai ab asbāb-e-holī
uTho yaaro bharo rañgoñ se jholī

nīndoñ kā ek ālam-e-asbāb aur hai
shāyad kisī kī aañkh meñ ik ḳhvāb aur hai

yahī bahut hai ki ahbāb pūchh lete haiñ
mare ujaḌne ke asbāb pūchh lete haiñ

husūl-e-faqr gar chāhe to chhoḌ asbāb-e-duniyā ko
lagā de aag yaksar bistar-e-sanjāb-o-dībā ko

guñdhā huā hai mirī zaat ke ḳhamīr meñ ye
maiñ kaise ālam-e-asbāb se nikal aa.uuñ

madār-e-zāt ke girdāb se nikal aa.uuñ
maiñ apnī zaat ke asbāb se nikal aa.uuñ

ye jahāñ ālam-e-asbāb hai nādāñ na bano
kaun mānegā tabāhī kā sabab kuchh bhī nahīñ

jab nazar jān0b-e-asbāb-e-fanā karte haiñ
pahle ham apnī taraf dekh liyā karte haiñ

asbāb-e-zindagī kī har ik chiiz hai garāñ
bas ek zindagī hai ki arzāñ hai āj-kal

mire nasheman meñ shān-e-qudrat ke saare asbāb haiñ muhayyā
havā safā.ī pe hai muqarrar charāġh bijlī jalā rahī hai

us ke asbāb se niklā hai pareshāñ kāġhaz
baat itnī thī magar ḳhuub uchhālī ham ne

kyā shahr meñ gunjā.ish mujh be-sar-o-pā ko ho
ab baḌh ga.e haiñ mere asbāb-e-kam-asbābī

jañg kar lenā sabhī asbāb se
apne rab se phir machal kar dekhnā