Tags-Sarhad

chaloge saath mire āgahī kī sarhad tak
ye rahguzār utartī hai gahre paanī meñ

lamha lamha hai ki hai qāfila-e-manzil-e-nūr
sarhad-e-shab meñ bhī farmān-e-sahar hai jaarī

dā.ere baḌhte ga.e parkār kā muñh khul gayā
vo bhī dāḳhil ho gayā ab sarhad-e-rusvā.ī meñ

sarhad se koī aayā hai phir ḳhuun māñgne
ik maañ ko apnā laḳht-e-jigar yaad aa gayā

phir na.e saal kī sarhad pe khaḌe haiñ ham log
raakh ho jā.egā ye saal bhī hairat kaisī

saḳht ahkām-e-mohabbat haiñ ki daurān-e-visāl
lafz aage na baḌheñ sarhad-e-sargoshī se

chilla-e-jāñ par chaḌhā kar āḳhirī sāñsoñ ke tiir
maut kī sarhad meñ dāḳhil zindagānī ho ga.ī

ek ho jaa.e na jab tak sarhad-e-hosh-o-junūñ
ek ho kar chāk-e-dāmān-o-garebāñ kuchh nahīñ

tirī manzil pe pahuñchnā koī āsān na thā
sarhad-e-aql se guzre to yahāñ tak pahuñche

charāġh-e-sajda jalā ke dekho hai but-kada dafn zer-e-ka.aba
hudūd-e-islām hī ke andar ye sarhad-e-kāfirī milegī

bam gharoñ par gireñ ki sarhad par
rūh-e-ta.amīr zaḳhm khātī hai

bam gharoñ par gireñ ki sarhad par
rūh-e-ta.amīr zaḳhm khātī hai

peḌ kī sūrat khaḌā rahtā hai merī mauj kī sarhad ke paas
mere sar par dhuup ke neze chamakte dekhtā rahtā hai vo

chāñd-tāroñ kī chamak ho ga.ī kam so jaao
sarhad-e-sub.h meñ haiñ shab ke qadam so jaao

sarhadeñ achchhī ki sarhad pe na ruknā achchhā
sochiye aadmī achchhā ki parinda achchhā

maiñ chāhtā huuñ badal duuñ 'manzar' purāne naqsh o nigār saare
ki sarhad-e-jism-o-jāñ se aage nayā koī iztirāb dekhūñ

jaane kyā kyā bol rahā thā sarhad pyaar kitābeñ ḳhuun
kal merī nīndoñ meñ chhup kar jaag rahā thā jaane kaun

ai be-qarāri-e-dil mujh ko ye ḳhabar hī na thī
ki jo qarār kī sarhad hai ittiqā tak hai

maiñ huuñ sarhad pe bane ek makāñ kī sūrat
kab talak dekhiye rakhtā hai vo ābād mujhe

jo gayā lauT ke aayā hī nahīñ sarhad se
ab kise dasht meñ āvāz lagātī hai havā