ḳhuun apnā ho yā parāyā ho
nasl-e-ādam kā ḳhuun hai āḳhir
bam gharoñ par gireñ ki sarhad par
rūh-e-ta.amīr zaḳhm khātī hai
jañg to ḳhud hī ek mas.ala hai
jañg kyā mas.aloñ kā hal degī
is liye ai sharīf insāno
jañg Taltī rahe to behtar hai
aao is tīra-baḳht duniyā meñ
fikr kī raushnī ko aam kareñ
jañg vahshat se barbariyyat se
amn tahzīb o irtiqā ke liye
jañg iflās aur ġhulāmī se
amn behtar nizām kī ḳhātir