Tags-Saqi

na sahbā hai na sāġhar hai na miinā hai na ḳhum saaqī
mujhe jo mast kartī hai tirī āñkhoñ kī mastī hai

bane haiñ jab se vo saaqī maze kī mai-parastī hai
idhar mai hai piyāloñ meñ udhar āñkhoñ meñ mastī hai

zahr kā jaam hī de zahr bhī hai āb-e-hayāt
ḳhushk-sālī kī to ho jaa.e talāfī saaqī

nasha pilā ke girānā to sab ko aatā hai
mazā to tab hai ki girtoñ ko thaam le saaqī

shaiḳh-sahab kā īmān bik hī gayā dekh kar husn-e-saqī pighal hī gayā
aaj se pahle ye kitne maġhrūr the luT ga.ī pārsā.ī mazā aa gayā

rakhnā hai tishna-kām to saaqī bas ik nazar
sairāb kar na de mirī tishna-labī mujhe

saaqī kī jo āñkhoñ ko huī bazm meñ gardish
ham lauT ga.e gardish-e-paimāna samajh kar

maiñ vo huuñ ki serī mujhe hotī nahīñ mai se
denā mire saaqī mujhe paimāna samajh kar

aalam se be-ḳhabar bhī huuñ aalam meñ bhī huuñ maiñ
saaqī ne is maqām ko āsāñ banā diyā

taqāze kyuuñ karūñ paiham na saaqī
kise yaañ fikr-e-besh-o-kam nahīñ hai

bhare hue sāġhar o subū meñ sharāb bhar pā.egā na saaqī
to phir ġharīqān-e-aish-o-ishrat ko ḳhaak āsūdgī milegī

pābandī-e-ahkām-e-sharī.at hai vahāñ farz
rindoñ ko ruḳh-e-sāqī-o-sāġhar hue maḳhsūs

saaqī tere ek ishāra karne par
mai-kash bhī azaan sunāne lag ga.e haiñ

mastī ba-zauq-e-ġhaflat-e-sāqī halāk hai
mauj-e-sharāb yak-mizha-e-ḳhvāb-nāk hai

ġhunche kī tarah chaman meñ saaqī
apnā hī mujhe subū bahut hai

chhalak jaatā hai jām-e-umr apnā vā.e-nākāmī
hamāre muñh talak saaqī agar paimāna aatā hai

kahte haiñ aaj duḳhtar-e-sāqī ko dekh kar
zāhid se pārsā kī bhī niyyat bigaḌ ga.ī

koī rañj-o-alam aa.e na dil ke paas ai saaqī
jo ho āġhāz-e-mai-noshī moharram ke mahīne se