Tags-Raushni

thake-hāre hue sūraj kī bhīgī raushnī meñ
havāoñ se ulajhtā bādbāñ kaisā lagegā

ufuq pe likhtā rahā āftāb tahrīreñ
magar bayāz-e-zamīñ raushnī se aarī thī

vo ek ḳhvāb ki āñkhoñ meñ jagmagā rahā hai
charāġh ban ke mujhe raushnī dikhā rahā hai

pas-e-dīvār zindāñ zindagī maujūd rahtī hai
añdherī raat meñ bhī raushnī maujūd rahtī hai

kyā tujhe vo sub.h-e-kāzib yaad hai
raushnī se tū ne jab parda kiyā

rah-e-talab meñ añdheroñ ko kosne vaalo
kisī ne dil bhī jalāyā hai raushnī ke liye

na tīrgī ke liye haiñ na raushnī ke liye
shab-o-sahar ke taqāze haiñ bandagī ke liye

hai raushnī qafas meñ magar sūjhtā nahīñ
abr-e-siyāh jānib-e-gul-zār dekh kar

merī āñkhoñ pe do muqaddas haath
ye añdherā bhī raushnī hai mujhe

abhī zamīn pe utregī us darīche se
vo raushnī jo musāfir kī raah kholtī hai

vo raushnī kī kiran aa.ī aur chalī bhī ga.ī
khulā huā mirī bastī kā dar na thā koī

fāteh-e-shab kī havas meñ raushnī pe mar miTe
ḳhud-kushī kī aaḌ meñ be-ḳhauf parvāne rahe

shām-e-tanhā.ī bujhā de jhilmilātī sham.a bhī
in andheroñ meñ hī aksar raushnī paatā huuñ maiñ

jin kī āñkhoñ meñ hai nīndoñ kā ġhubār
raushnī pā.eñge sahrāoñ meñ kyā

jab bhī hujūm-e-ġham meñ ḳhushī kī jhalak milī
jugnū kī raushnī meñ añdhere nahā.e haiñ

āñkheñ na khuleñ nuur ke sailāb meñ merī
ho raushnī itnī ki añdherā nazar aa.e

raushnī bāñTtā huuñ sarhadoñ ke paar bhī maiñ
ham-vatan is liye ġhaddār samajhte haiñ mujhe

raushnī ruuh kī aatī hai magar chhan chhan kar
sust-rau abr kā TukḌā hai tabī.at us kī

tuman raushnī bin haman raushnī naah
tū dīdār bin sabhī dīdār haiñ kaah

lahad meñ kyā zikr raushnī kā sar-e-lahad bhī jo rahm khā kar
jalā kiyā jab charāġh koī havā ne ThanDā kiyā bujhā kar