Tags-Raaz

bhulā bhulā ke jatāyā hai un ko rāz-e-nihāñ
chhupā chhupā ke mohabbat ko āshkār kiyā

ḳhushnumā shahroñ kā baanī rāz-e-fitrat kā surāġh
ḳhāndān-e-teġh-e-jauhar-dār kā chashm-o-charāg

un kī rāteñ ḳhauf-e-rusvā.ī se hoñgī jab darāz
tere siine meñ kisī shab kā na hogā koī raaz

mujh se āñkheñ to milā ai dushman-e-soz-o-gudāz
tujh pe kyā azdād kī tauhīd kā ifshā hai raaz

sach batā tū bhī hai kyā ai kushta-e-sad-hirs-o-āz
rāz-dān-e-kākul-e-shab-rañg o chashm-e-nīm-bāz

bhaa.ī se baḌh ke mujhe haiñ ye mere māya-nāz
mere monis haiñ yahī aur yahī mere hamrāz

kyā zamāna pe khule be-ḳhabarī kā mirī raaz
tā.ir-e-fikr meñ paidā to ho itnī parvāz

zulf-e-mushkīñ ko hinā.ī uñgliyoñ se mat sambhāl
khul chukā hai merī nazroñ par terā rāz-e-jamāl

zamāna aayā hai be-hijābī kā aam dīdār-e-yār hogā
sukūt thā parda-dār jis kā vo raaz ab āshkār hogā

tire ahl-e-dīd ko dekh ke kabhī khul sakā hai ye raaz bhī
unheñ jis ne ahl-e-nazar kiyā vo tirā ḳharāb-e-nazar bhī hai

kyā ek maiñ hī maiñ huuñ is ā.īna-ḳhāne meñ
mujh ko to kashf-e-rāz ne hairāñ banā diyā

vaañ sarguzisht-e-dushman vo kah rahe haiñ muñh par
yaañ be-ḳhudī hai is par kyā rāz-dār haiñ ham

kyā jaane kyā dikhā.e kam-baḳht rāz-e-dushman
be-iḳhtiyār ho tum aur be-qarār haiñ ham

zāhir hue jab rāz-e-mohabbat to ḳhalish kyā
jaatā hai to jaa.e koī dāman ko chhuḌā ke

haTā rahā huuñ shab-o-roz is liye ḳhud ko
fanā ke raaz se mujh ko bhī āgahī ho jaa.e

na batlā.ī kisī ne bhī haqīqat rāz-e-hastī kī
butoñ se jā ke sar phoḌā bahut dair-e-barahman meñ

rāz-e-giraftagī na asīr-e-lahn se pūchh
ye baat apnī zulf-e-shikan-dar-shikan se pūchh

yahī soz-e-ishq jis ko maiñ hamesha raaz samjhā
jo hijāb-e-dil na jaltā to na āshkār hotā

aah vo aish-e-rāz-e-jāñ haa.e vo aish-e-rāz-e-jāñ
haa.e vo aish-e-rāz-e-jāñ shahr meñ aam ho gayā