Tags-Qatil

marne meñ mazā hai magar itnā to nahīñ hai
'alvī' tumheñ qātil ko duā denā chāhiye

nahīñ fāriġh maiñ ba.ad-az-marg bhī soz-e-mohabbat se
mirā ḳhuuñ dāman-e-qātil meñ hogā daaġh juuñ laalā

zindagī tujh se kuchh nahīñ shikva
apne qātil ke intizār meñ huuñ

yaaro merā kyā hai kaf-e-qātil kī ra.anā.ī dekho
ḳhuun hī kyuuñ ho rañg-e-hinā ho ye bhī to ho saktā hai

maiñ ne duniyā chhoḌ dī lekin mirā murda badan
ek uljhan kī tarah qātil kī nazroñ meñ rahā

ham marhala-e-ġham meñ tanhā the kahāñ yaaro
qātil the salībeñ thiiñ teġheñ thī sināneñ thiiñ

maiñ ab bhī shaan se zinda huuñ shahr-e-qātil meñ
mire ḳhudā kī yaqīnan ye mehrbānī hai

mahv-e-naġhma mirā qātil jo rahā kartā hai
fann-e-mausīqī ko bhī zab.h kiyā kartā hai

ḳhud hī maqtūl ḳhud hī qātil huuñ
apne tāvān meñ nahīñ huuñ maiñ

ik gardan-e-maḳhlūq jo har haal meñ ḳham hai
ik bāzū-e-qātil hai ki ḳhūñ-rez bahut hai

zaḳhmoñ ko marham kahtā huuñ qātil ko masīhā kahtā huuñ
jo dil par guzrā kartī hai maiñ pardā pardā kahtā huuñ

har daaġh par ek zaḳhm aayā
qātil kā ye sikka hai diram par

qātil hai kis maze se namak-pāsh-e-zaḳhm-e-dil
bismil zarā taḌap ke namak to halāl kar

qissa-e-ḳhvāb huuñ hāsil nahīñ koī merā
aisā maqtūl ki qātil nahīñ koī merā

hamārā ḳhūn-e-nāhaq niiñ huā zaa.e.a are qātil
zamīñ se gul ho niklā āsmāñ par ho shafaq phailā

kaun qātil bachā hai shahr meñ 'faiz'
jis se yāroñ ne rasm-o-rāh na kī

sar kaaT ke kar dījiye qātil ke havāle
himmat mirī kahtī hai ki ehsān-e-balā le

rūh-parvar hai nigāh-e-nāz qātil kā asar
jis ko dekhā jī uThā jis ko na dekhā mar gayā

bāzū-e-qātil thakā.e saḳht-jānī ne mirī
bārhā is haath se us haath meñ ḳhanjar gayā

ham na suqrāt na mansūr na iisā lekin
jo bhī qātil hai hamārā hī tamannā.ī hai