Tags-Aitbaar

vo ek sā.at-e-ma.asūm dil kī parvarda
mukar ga.ī hai magar e'tibār kartī huī

udaas rātoñ kī tīrgī meñ na koī taarā na koī jugnū
kisī kā naqsh-e-qadam hī chamke to nuur kā e'tibār aa.e

tumhāre ahd-e-vafā ko maiñ ahd kyā samjhūñ
mujhe ḳhud apnī mohabbat pe e'tibār nahīñ

ġhair ne tum ko jaañ kahā samjhe bhī kuchh ki kyā kahā
yaanī ki bevafā kahā jaañ kā e'tibār kyā

tabassum ne kisī ke ruuh phūñkī gulsitānoñ meñ
shagūfoñ ko javānī kā yaqīn-o-e'tibār aayā

gavāh adliya subūt hāshiyoñ pe aa ga.e
hikāyatoñ pe aise e'tibār kar liyā gayā

sukūn-e-zāt vaqf-e-intishār kar liyā gayā
ġhazab huā ki dil kā e'tibār kar liyā gayā

ham ne kyuuñ ḳhud pe e'tibār kiyā
saḳht be-e'tibār the ham to

abhī kaheñ to kisī ko na e'tibār aave
ki ham ko raah meñ ik āshnā ne luuT liyā

kaalī ghaTā ke uThte hī tauba na rah sakī
tauba pe e'tibār kiyā haa.e kyā kiyā

qismat ne aah ham ko ye din bhī dikhā diye
qismat pe e'tibār kiyā haa.e kyā kiyā

mālūm thā ki ahd-e-vafā un kā jhuuT hai
is par bhī e'tibār kiyā haa.e kyā kiyā

aayā jo dam vo hai ġhanīmat
is ziist kā e'tibār kyā hai

maiñ ek e'tibār se ātish-parast thā
vo saare zāviyoñ se chaman kī sharīk thī

sukūñ paayā tabī.at ne na dil ko hī qarār aayā
jo aañsū aañkh meñ aayā baḌā be-e'tibār aayā

mirī vafā pe tujhe roz shak thā ai zālim
ye sar ye teġh hai le ab to e'tibār aayā

jo dard īsā-nafas na hotā to dil pe kyā e'tibār aatā
kuchh aur paimāñ kuchh aur paikāñ ki zaḳhm jitne the bhar ga.e haiñ

kabhī dil kī kalī khilī hī nahīñ
e'tibār-e-bahār kaun kare

aa ga.e dil meñ vasvase kitne
vaqt jab e'tibār kā aayā

tum aisā ahd-shikan 'ārzū' sā nā-ummīd
kaho jo sach bhī to aatā hai e'tibār kahāñ