Collections

Lab Shayari

Motivational Ghazals

Best Khamoshi Shayari

More Collections

Tags-Aitbaar

mirī nigāh kahāñ dīd-e-husn-e-yār kahāñ
ho e'tibār to phir tāb-e-intizār kahāñ

meri nigah kahan did-e-husn-e-yar kahan

tujhe merī justujū hai mujhe aarzū hai terī
tirā e'tibār maiñ huuñ mirā e'tibār tū hai

mere dil pe tera qabza mera iKHtiyar tu hai

nāzāñ na husn par ho mehmāñ hai chaar din kā
be-e'tibār aisī daulat nahīñ hai koī

surat se isko behtar surat nahin hai koi

muflisī sab bahār khotī hai
mard kā e'tibār khotī hai

muflisi sab bahaar khoti hai

ḳhulūs-e-ahd-e-vafā sāzgār aa.egā
kabhī to marhala-e-e'tibār aa.egā

abhi to mausam-e-na-KHush-gawar aaega

hamāre sāmne vo haiñ kahīñ ye ḳhvāb na ho
ab apnī āñkhoñ pe bhī ham ko e.atibār nahīñ

gulon ke chehra-e-rangin pe wo nikhaar nahin

kis e.atibār meñ nafas-e-chand ai 'nasīm'
shab har ke vāste ye tamāshe haiñ ḳhvāb ke

baham buland-o-past hain kaif-e-sharab ke

kiye jā dard-e-dil ai nā-murādī
kisī ko e'tibār aa.e na aa.e

nawed-e-wasl-e-yar aae na aae

ab ki jab jānāna tum ko hai sabhī par e'tibār
ab tumheñ jānāna mujh par e'tibār aayā to kyā

ab ki jab jaanana tumko hai sabhi par etibar

zarā na ham pe kiyā e.atibār guzrī hai
ye ruuh jism se begāna-vār guzrī hai

zara na hum pe kiya eatibar guzri hai

kashti-e-e'tibār toḌ ke dekh
ki ḳhudā bhī hai nā-ḳhudā hī nahīñ

kashti-e-etibar toD ke dekh

us ke va.ade kā e'tibār karūñ
phir shab-e-intizār ho jā.ūñ

ishq ho jaun pyar ho jaun

añdheroñ meñ mujhe ḳhud ik sitāra DhūñDne aayā
ki shahr be-hunar se ik sadā-e-e'tibār aa.ī

charaghon ke bujhane ko hawa be-iKHtiyar aai

tū dūsroñ se hai bartar na ye samajh 'rahbar'
ye e'tibār tujhe khokhlā banā degā

junun-e-ishq jise sar-phira bana dega

kahāñ pe sarhad-e-nā-būd-o-būd miltī hai
subūt ho ki na ho e'tibār kyā ki maiñ huuñ

teri nigah se ise bhi guman hua ki main hun

suno ki dil ko mire e.atibār-e-zīst nahīñ
rukā huuñ ek nafas arz-e-mudda.ā ke liye

uTha jo dast-e-sitam qatl-e-be-nawa ke liye

haiñ e'tibār se kitne gire hue dekhā
isī zamāne meñ qisse isī zamāne ke

jatate rahte hain ye hadse zamane ke

shikast-e-jāñ ko abhī e'tibār-e-jāñ hai bahut
sarāb-e-dasht meñ dariyā ke ḳhvāb aate haiñ

har aaine mein tere KHadd-o-Khaal aate hain

hai mohabbat to e'tibār bhī kar
har amal kī vazāhateñ mat pūchh

dard-o-gham ki hikayaten mat puchh

bahr-e-taskīñ vo kab nahīñ aatā
e'tibār aah ab nahīñ aatā

wo sar-e-baam kab nahin aata