Tags-Naaz

gulābī gaal shafaq seb surḳhī ġhāza kañval
tilism chaah bhañvar naaz sharm narm-garī

nāzir-e-gul pāsbān-e-rañg-o-bū gulshan-panāh
nāz-parvar lahlahātī khetiyoñ kā bādshāh

jab karegī sinf-e-nāzuk apnī uryānī pe naaz
sirf ik tū is talātum meñ rahegī pāk-bāz

pahlū-e-ḳhātūn-e-mashriq meñ ba-sad tamkīn o naaz
muntaqil ho jā ulūhiyat ke siine ke gudāz

mus.haf-e-rū-e-kitābī rū-kash-e-nāz-e-gulāb
aur ban jaa.e ye ne.amat daftar-e-ilm-e-hisāb

hilm ke sāñche meñ rūh-e-nāz ko Dhāle hue
gardanoñ meñ ḳham saroñ par chādareñ Daale hue

ilm se rahtī hai pāband-e-shikan jis kī jabīñ
naaz se shānoñ par us kī zulf lahrātī nahīñ

naaz se hūreñ tarāne hamd ke gaane lagīñ
aurteñ bhar bhar ke apnī jholiyāñ jaane lagīñ

jab zarūrat se ziyāda naaz farmātā hai ilm
āriz-e-tābāñ ke bhole-pan ko khā jaatā hai ilm

terī peshānī pe jhalkegā misāl-e-barq-e-tūr
tifl kā nāz-e-sharāfat aur shauhar kā ġhurūr

nigāh-e-sharm ke zaḳhmī haiñ teġh-e-nāz ke bismil
taḌapne ke liye ham ko pas-e-dīvār rahne deñ

bhaa.ī se baḌh ke mujhe haiñ ye mere māya-nāz
mere monis haiñ yahī aur yahī mere hamrāz

kyuuñ tabī.at ko na ho be-ḳhudī-e-shauq pe naaz
hazrat-e-abr ke qadmoñ pe hai ye farq-e-niyāz

jis saañs meñ duniyā jaañ paa.e us saañs kī nik.hat kyā kahiye
jis maut pe hastī naaz kare us maut kī azmat kyā kahiye

ḳhuun ruḳh par dauḌtā hogā tirī āvāz se
tujh ko paalā hogā terī maañ ne kis kis naaz se

ablaq-e-chashm-e-sanam kis naaz se gardish meñ hai
ḳhuub kaave hote haiñ rahvār āñkheñ ho ga.iiñ

'anvar' ne badle jaan ke lī jins-e-dard-e-dil
aur is pe naaz ye ki ye saudā garāñ na thā

gesū ko naaz hai dil-e-raushan kī chaah par
parvāna ye charāġh hai mār-e-siyāh par

sab se aage hai gunahgāroñ kī saf mahshar meñ
qābil-e-nāz mirā dāman-e-tar hai ki nahīñ

mirā qalam nahīñ kirdār us muhāfiz kā
jo apne shahr ko mahsūr kar ke naaz kare