Tags-Mazdoor

dīvār pe mazdūr kī tasvīr sajā kar
aḳhbār ke kone meñ ḳhabar ek lagā kar

maiñ kā.enāt kā mazdūr ashraf-e-maḳhlūq
koī bhī kaam ho ik maiñ hī jotā jaatā huuñ

maiñ ik mazdūr huuñ roTī kī ḳhātir bojh uThātā huuñ
mirī qismat hai bār-e-hukmarānī pusht par rakhnā

june kī garmī kaḌaktī dhuup lū chaltī huī
har ghaḌī mazdūr ke sar se qazā Taltī huī

ummīd haare raat meñ mazdūr so ga.e
jaage zarūratoñ kī vo uljhan liye hue

tum ne mazdūr ke chhāle nahīñ dekhe shāyad
apne hāthoñ pe vo mehnat kī ġhazal likhte haiñ

aaj may kā pahlā din hai aaj kā din mazdūr kā din hai
zulm-o-sitam ke madd-e-muqābil hausla-e-jamhūr kā din hai

un ko mazdūr kahnā Thiik nahīñ
log jo muflisī se laḌte haiñ

jab kisānoñ kī nigāhoñ se Tapaktā hai hirās
phūTne lagtī hai jab mazdūr ke zaḳhmoñ se yaas

terī tābish se raushan haiñ gul bhī aur vīrāne bhī
kyā tū bhī is hañstī-gātī duniyā kā mazdūr hai chāñd

ḳhuun mazdūr kā miltā jo na ta.amīroñ meñ
na havelī na mahal aur na koī ghar hotā

shahr meñ mazdūr jaisā dar-ba-dar koī nahīñ
jis ne sab ke ghar banā.e us kā ghar koī nahīñ

daulat kā falak toḌ ke aalam kī jabīñ par
mazdūr kī qismat ke sitāre nikal aa.e

vo ik mazdūr laḌkī hai
bahut āsān hai mere liye us ko manā lenā

saroñ pe oḌh ke mazdūr dhuup kī chādar
ḳhud apne sar pe use sā.ebāñ samajhne lage

maiñ ne 'anvar' is liye bāñdhī kalā.ī par ghaḌī
vaqt pūchheñge ka.ī mazdūr bhī raste ke biich

so jaate haiñ fōtpath pe aḳhbār bichhā kar
mazdūr kabhī niiñd kī golī nahīñ khāte

hai kahīñ tū maskan-e-mazdūr vaqt-e-muflisī
hai kahīñ sarmāya-dāroñ ke liye jām-e-ḳhushī

dopahar maidān garmī habs abr-e-be-matā
sar-nigūñ hai ḳhār-o-ḳhas par ik gul-e-fīroza-fām

tū qādir o aadil hai magar tere jahāñ meñ
haiñ talḳh bahut banda-e-mazdūr ke auqāt