ḳhasta shikasta jism meñ dhaḌkan liye hue
phirtā huuñ apnī ruuh kī katran liye hue
ummīd haare raat meñ mazdūr so ga.e
jaage zarūratoñ kī vo uljhan liye hue
gulshan talak meñ zahr ta.assub kā ghul gayā
kal phuul bhī milā thā mujhe gun liye hue
utrā jo mere dil se nazar se utar gayā
miltā hai mujh se ab bhī vo utran liye hue
aa.ī hai raqs kartī havā mere dvaar par
sāvan ke giit ghuñghrū kī chhan-chhan liye hue