Tags-Masti

jo apnī hastī kī mastī miTā ke aatā hai
tire huzūr vahī bāryāb hai saaqī

lagā.ī zarb-e-shadīd apne dil pe mastī meñ
ḳhudā se TuuTā huā rābta bahāl kiyā

bad-mastī meñ tum ne unheñ kyā kah diyā 'aḳhtar'
kyuuñ shoḳh-nigāhoñ meñ hayā khel rahī hai

merī mastī meñ sarshārī terī hai
mere andar tere mausam mī raqsam

na hoshyārī na ġhaflat aur na mastī
hamārā ab koī aalam nahīñ hai

hai fāqa-mastī kā silsila jab to aa.e saḳhtī qadam meñ kaise
ye nā-tavānī kī larzisheñ haiñ na pī hai maiñ ne sharāb baabā

in ras bharī ā.ankhoñ se mastī jo Tapaktī hai
hotī hai nazar saaqī dil bantā hai paimāna

hastī kī bad-mastī kyā hastī ḳhud ik mastī hai
maut usī din aa.egī hosh meñ jis din ā.eñge

merī hī nazar kī mastī se sab shīsha-o-sāġhar raqsāñ the
merī hī nazar kī garmī se sab shīsha-o-sāġhar TuuT ga.e

mirī mastī kā andāza hai kis ko
nigāh-e-nāz merī ham-suḳhan hai

nahīñ badle tire 'muztar' ke andāz
vahī mastī vahī dīvāna-pan hai

hamārā maqsad-e-avval hai jazb-e-shauq-o-sar-mastī
yahī vo zindagī hai jis ko ham kāmil samajhte haiñ

dekhtā mastī kā sañgam lab hai yā guftār hai
jaam se mere jo apnā jaam Takrātā koī

kuchh is kamāl se rauñdā gayā huuñ mastī meñ
bahut sukūn hai ab pā.emāl hote hue

'mīr' un nīm-bāz āñkhoñ meñ
saarī mastī sharāb kī sī hai

jahāñ pe chhāyā sahāb-e-mastī baras rahī hai sharāb-e-mastī
ġhazab hai rañg-e-shabāb-e-mastī ki rind o zāhid bahak rahe haiñ

sharāb o shāhid o ḳhalvat siyāh-mastī hosh
isī jahān munīñ begamāñ hai mujh kuuñ mubāh

yahī badan se badan kā hai vālihāna kalām
mirī ragoñ meñ jo mastī ḳhumār-e-shauq kī hai

mai-ḳhāna vo manzar hai ki har sub.h jahāñ shaiḳh
dīvār pe ḳhurshīd kā mastī se sar aave

aaj jī meñ hai ki khul kar mai-parastī kījiye
ḳhuub sī mai pīji.e aur der mastī kījiye