Tags-Ada

fazā-e-shahr-e-talab hai anā-guzīda bahut
adā-shanās-e-rah-e-iltimās maiñ bhī nahīñ

kyā ḳhuub adā hai un kī 'obaid' andāz-e-karam hai kitnā hasīñ
majbūr ke haq se nā-vāqif majbūr kī bāteñ karte haiñ

maut aatī hai to ik farz adā hotā hai
in ko dhokā hai qazā ko jo qazā kahte haiñ

is shahr-e-be-niyāz ke logoñ kī ḳhū na pūchh
kis kis adā se karte haiñ dil kā lahū na pūchh

rahtā nahīñ huuñ bojh kisī par ziyāda der
kuchh qarz thā agar to adā bhī huā huuñ maiñ

terā zāhir ḳhushnumā hai terā bātin hai siyāh
har adā terī mukammal dāvat-e-jurm-o-gunāh

maiñ lafz kī tarah be-zabāñ thā
ma.anī ne adā kiyā hai mujh ko

koī adā jo kahīñ apne-pan sī paatā huuñ
dayār-e-ġhair meñ ThanDak vatan sī paatā huuñ

ḳhudā hī rakkhe mire kārvāñ kī ḳhair ab to
ki rāhbar meñ adā rāhzan sī paatā huuñ

husn-e-hayāt ke vo adā-āshnā ki jo
har qatl-gah ko misr kā bāzār kah ga.e

shabnam ba-gul-e-lāla na ḳhālī z-adā hai
dāġh-e-dil-e-bedard nazar-gāh-e-hayā hai

vo mere kāba-e-dil meñ zarā sī der rukā
ye haj adā vo mire saath karne vaalā thā

ham jigar-figāroñ kī is adā ko kyā kahiye
baiThte haiñ sab mil kar sochte haiñ sab tanhā

ye mirā zabt hai yā terī adā kī tahzīb
rañg āñkhoñ meñ jhalaktā nahīñ armānoñ kā

choTeñ chaleñgī ḳhuub barābar kī joḌ hai
tū hai adā-shanās to maiñ huuñ adā-pasand

maiñ ḳhud sikhā rahā huuñ sitam kī adā unheñ
duniyā meñ kab huā koī mujh sā jafā-pasand

kab vo aatā hai sāmne 'kashfī'
jis kī har ik adā hijāb hijāb

maut ke ḳhuñḳhār panjoñ meñ sisaktī hai hayāt
aaj hai insāniyat kī har adā sahmī huī

phir 'zakī' dil ko ye tamannā hai
ham se nāz-o-adā kare koī

ye dukh zarūrī hai rishte ḳhalā-pazīr hue
adā huā hai magar qarz ḳhud-shanāsī kā