Tags-Khizan

the bazm meñ vo ġhuncha-e-afsurda sharm se
kyūñkar kahūñ bahār meñ rañg-e-ḳhizāñ na thā

ḳhizāñ aur naġhme shādī ke bahār aa.e to gā lenā
ye din to ai anādil haiñ tumhāre shor-o-shevan ke

ḳhūñ-rañg shafaq-rañg ḳhizāñ-rañg haiñ chehre
jismoñ pe kafan hai na koī surḳh qabā hai

barg-e-ḳhizāñ-rasīda banāyā hai ishq ne
maiñ mausam-e-bahār meñ bustāñ se duur huuñ

firāqe-e-gul se jo nāla-kash hai qafas meñ bulbul shahīd-e-jalva
bahār-e-gulshan ḳhizāñ-numā hai junūñ-zada abr-e-bahmanī hai

ḳhizāñ ke chāñd ne pūchhā ye jhuk ke khiḌkī meñ
kabhī charāġh bhī jaltā hai is havelī meñ

uḌā kar le ga.ī bād-e-ḳhizāñ is saal us ko bhī
rahā thā ek barg-e-zard baaqī mere gulshan meñ

parindoñ kā shajar ko chhoḌ kar jaanā zarūrī thā
ki taa.ir ko ḳhizāñ kā ḳhauf bhī khānā zarūrī thā

tafraqa bād-e-ḳhizāñ ne ye chaman meñ Daalā
gul kahīñ aur paḌā hai to samar aur kahīñ

maiñ aaj gulsitāñ meñ bulā luuñ bahār ko
lekin ye chāhtā huuñ ḳhizāñ ruuTh kar na jaa.e

ab yaad kabhī aa.e to ā.īne se pūchho
'mahbūb-ḳhizāñ' shaam ko ghar kyuuñ nahīñ jaate

ba-rañg-e-husn-e-butāñ hai dil-e-shagufta mirā
jo is chaman meñ ḳhizāñ ho to phir bahār na ho

mausam-e-rañg bhī hai fasl-e-ḳhizāñ bhī taarī
dekhnā ḳhuun ke dhabbe haiñ ki hai gul-kārī

gul bantī hai shāyad ḳhāk-e-vatan shāyad ki safar kartī hai ḳhizāñ
ḳhushbu-e-bahārāñ miltī hai kuchh din se havā-e-zindāñ meñ

ḳhizāñ tujh par ye kaisā barg-o-bār aane lagā hai
mujhe ab mausamoñ par e'tibār aane lagā hai

chāroñ taraf haiñ sabz salāḳheñ bahār kī
jin meñ ghirā huā koī mausam ḳhizāñ kā hai

dasht-e-alam meñ barg-e-ḳhizāñ-dīda kī tarah
bas ai hujūm-e-shauq kahīñ ham bikhar na jaa.eñ

huuñ bū-e-gul ḳhizāñ-gazīda
koī jise DhūñDe bhī na paa.e

ye ḳhizāñ kī zard sī shaal meñ jo udaas peḌ ke paas hai
ye tumhāre ghar kī bahār hai use āñsuoñ se harā karo