Tags-Jalwa

jo ra.anā.ī nigāhoñ ke liye firdaus-e-jalva hai
libās-e-muflisī meñ kitnī be-qīmat nazar aatī

apnī hī sair karne ham jalva-gar hue the
is ramz ko va-lekin mādūd jānte haiñ

jalva ayaañ hai qudrat-e-parvardigār kā
kyā dil-kushā ye scene hai fasl-e-bahār kā

jalva tirā is tarah se nākām na hotā
ham tuur pe hote to ye anjām na hotā

hai tābish-e-anvār se aalam tah-o-bālā
jalva vo abhī tak tah-e-dāmān-e-nazar hai

har rāzdāñ hai hairatī-e-jalva-hā-e-rāz
jo bā-ḳhabar hai aaj vahī be-ḳhabar hai aaj

jalva-hā-e-tūr kī takrār yā tajdīd ho
lan-tarānī se masāvī kufr-o-īmāñ kījiye

haiñ man-o-tū jalva-e-hā-e-husn-e-vahdat kā hijāb
sham-e-bazm-e-ḳhud-shanāsī nūr-e-irfāñ kījiye

har ek samt udāsī kā rañg thā 'shāhid'
vo jalva-sāz kabhī be-hijāb thā ki nahīñ

qarār-e-jalva-numā.ī huā hai fardā par
ye tuul dekhiye ik muḳhtasar zamāne ke

koī tasavvur meñ jalva-gar hai bahār dil meñ samā rahī hai
nafas nafas gungunā rahā hai nazar nazar muskurā rahī hai

ġhībat hī meñ hai us kī hamārā zuhūr yaañ
vo jalva-gar jab aage huā ham kahāñ rahe

ra.anā.ī-e-jalva ko ba-sad husn-e-tayaqqun
ḳhud apnā hī ik aks-e-nazar ham ne kahā hai

un kā ḳhayāl har taraf un kā jamāl har taraf
hairat-e-jalva rū-ba-rū dast-e-savāl har taraf

vo sub.h jalva jalvagar-e-bāġh thā jo raat
murġh-e-sahar ne dhuum machā.ī tamām shab

vo ham pe aaj bahut jalva-bār hai kyā hai
ab is adā meñ adāvat hai, pyaar hai, kyā hai

hai aaTh pahar tū jalva-numā timsāl-e-nazar hai partav-e-ruḳh
aariz hai qamar ḳhurshīd jabīñ shab-e-zulf-e-sahar hai partav-e-ruḳh

ġhash koī kisī ko hai saktā hai nūr-e-ḳhudā terā jalva
ho daḳhl tire ghar meñ kis kā yaañ hājib-e-dar hai partav-e-ruḳh

ye kyā tilism hai ki tirī jalva-gāh se
nazdīk aa sakūñ na kahīñ duur jā sakūñ

tirā jalva shām-o-sahar dekhte haiñ
salīqe se shams-o-qamar dekhte haiñ