Tags-Abad

dhartī ke tabassum se chamke āfāq-e-abad ke sayyāre
zulmat ke tarannum se phūTe nūr-e-abadiyyat ke dhāre

azal se tā-abad hai kār-farmā gardish-e-daurāñ
ki nādānī hazar meñ aur dānā.ī safar meñ hai

ai kishn nāzirīñ ko mubārak basant ho
khelā jo apne vo abad tak basant ho

be-māya habābo mujhe dekho ki adam se
maiñ sū-e-abad sail kī sūrat meñ bahā huuñ

tumhāre qurb kī lazzat nasīb hai jis ko
vo ek lamha hayāt-e-abad se behtar hai

ajab nahīñ yahī kaif-āfrīñ ho shām-e-abad tak
jo tāq-e-sīna meñ ik ḳhuun kā ayāġh paḌā hai

raḳhsh-e-abad-ḳhirām kī thamtī nahīñ haiñ bijliyāñ
sub.h-e-azal-nizhād se karnā hai mashvara mujhe

yā tū aaj hameñ apnā le, yā tū aaj hamārā ban
dekh ki vaqt guzartā jaa.e kaun abad tak jiitā hai

mire naale haiñ ki azal abad tire ishve haiñ ki lab-e-masīh
vahāñ kun kā ġhalġhala vo bane yahāñ qum kī ye jo sadā hue

hue vaqt-e-āḳhirī mehrbāñ dam-e-avvalīñ jo ḳhafā hue
vo abad meñ aa ke gale mile jo azal meñ ham se judā hue

abad tak saañs lene aur ġham sahne meñ lazzat hai
dayār-e-ishq meñ ghabrā ke mar jaane se kyā hāsil

ḳhudā rakkhe tujhe ai naqsh-e-dīvār-e-sanam-ḳhāna
kaheñge log dīvār-e-abad terī misāloñ ko

mire sivā kuchh nahīñ kahīñ bhī azal abad ek ḳhvāb-e-mastī
zamīñ qadam-bhar hai mere nīche falak nigah-bhar hai aur maiñ huuñ

sub.h-e-azal se tā-abad qissa na hogā ye tamām
jaur-e-falak kī dāstāñ aisī bhī muḳhtasar nahīñ

maiñ azal kā rāh-rau mujh ko abad kī justujū
gard-e-rah mere jilau meñ saath mere maiñ na tū

phirte rahe azal se abad tak udaas ham
aa.e na inqilāb-e-zamāna ko raas ham

na bayāñ ho jo mile sub.h-e-azal shām-e-abad
hashr hai beach kā TukḌā mire afsāne kā

chāñd ho roz badalte ho tumhārā kyā hai
maiñ samundar huuñ abad tak na bahakne vaalā