Tags-Hawa

'rāhil' maiñ kisī shaam kā bujhtā huā sūraj
duniyā hī kahīñ merī azādār na ho jaa.e

kahīñ kuchh hai kahīñ kuchh hai kahīñ kuchh
mirā sāmān sab bikhrā huā hai

kashtī ravāñ-davāñ thī samundar khulā huā
āñkhoñ meñ bas gayā hai vo manzar khulā huā

bistar thā ek jism the do ḳhvāhisheñ hazār
donoñ ke darmiyān thā ḳhanjar khulā huā

uljhā hī jā rahā huuñ maiñ galiyoñ ke jaal meñ
kab se hai intizār meñ ik ghar khulā huā

sahrā-navard shahr kī saḌkoñ pe aa ga.e
chehre pe gard ābla-pā sar khulā huā

yuuñ bhī huā dahā.ī ikaa.ī meñ Dhal ga.ī
ḳhurshīd ke alaao meñ har shai pighal ga.ī

hai aadhe shahr meñ bārish to aadhe shahr meñ dhuup
havā ilāqa badalne ke fan se vāqif hai

ḳhud ko sameT lene kā anjām ye huā
maiñ rāste pe sañg kī sūrat paḌā rahā

ThanDī havā ke lams kā ehsās thā ajiib
maiñ der tak shajar kī tarah jhūmtā rahā

dil huā vīrāñ matā-e-chashm-e-nam jaatī rahī
rafta rafta shorish-e-tab-e-alam jaatī rahī

ġhazal kahe pe bhī sochoñ kā bojh kam na huā
sakūñ na mil sakā ahvāl-e-dil sunā kar bhī

rukā na zulm mire raakh banñe par bhī 'riyāz'
huā kī ḳhū to vahī hai mujhe jalā kar bhī

ilzām nahīñ tujh par ai bādiya-paimā.ī
dīvāne kī qismat se sahrā kī havā uljhī

unheñ bazm-e-ġhair meñ dekh kar kaheñ kyā 'rashīd' ki kyā huā
kabhī zabt kar ke Thahar ga.e kabhī aah bhar ke chale ga.e

na jaane kyā huā apnā bhī ab nahīñ hai vo
jo ek umr thā duniyā ke ḳhair-ḳhvāhoñ meñ

aisā ek maqām ho jis meñ dil jaisī vīrānī ho
yādoñ jaisī tez havā ho dard se gahrā paanī ho

maiñ jo nashe meñ raat huā ġhaTpaT us ma.ashūq kī chhātī saath
pāzebeñ paañv kī us ke kyā hī ba-sad tamkīn bajīñ

ḳhaak uḌātā huā hastī ke ta.iiñ de barbād
sar-ba-sahrā huuñ bagūle sā nikal jā.ūñgā

kuchh aaj aisī hī jī pe guzrī dabī huī thī jo choT ubhrī
jise sambhāle huā thā dil meñ vo naala be-iḳhtiyār sā hai