Tags-Hawa

ham pareshān-o-āshufta logoñ meñ bhī ik zamāna huā ek dhīraj sā thā
ab to ham aise logoñ kī ḳhvāhish bhī hai kū-o-barzan meñ jā tā-ba-shab ġhul kareñ

is qurb se jo sajdoñ meñ tujh se huā mujhe
sajde bhī haiñ muqāblatan āstāñ se duur

kyā ajab thī vo fazāoñ meñ ghulī bū-e-qadīm
shahr kā shahr huā vahshat-e-asrār meñ gum

bahut kuchh dil meñ hotā hai magar 'ashfāq' chehre par
kisī kī yaad kā bikhrā huā ġhāza nahīñ hotā

zāhir meñ garche kufr se munkir huā hai shaiḳh
poshīda us kī sub.ha meñ zunnār thā so hai

tere dīvānoñ ke jis dasht se uTThe bistar
vahshiyoñ se na huā phir vo bayābāñ ābād

sūrat-e-sham.a huā ḳhāk-e-badan jal jal kar
ham ne turbat bhī na kī ai shab-e-hijrāñ ābād

jab agle din us dost se vo milā
use pā ke ganjā vo hairāñ huā

phailtā phailtā shām-e-ġham kā dhuāñ
ik udāsī kā tantā huā sā.ebāñ

ras meñ Duubā huā lahrātā badan kyā kahnā
karvaTeñ letī huī sub.h-e-chaman kyā kahnā

lahlahātā huā ye qad ye lahaktā joban
zulf so mahkī huī rātoñ kā ban kyā kahnā

diye ab shahr meñ raushan nahīñ haiñ
havā kī hukmarānī ho ga.ī kyā

na luTnā merī qismat hī meñ thā likkhā huā varna
añdherī raat thī aur biich raste meñ khaḌā thā maiñ

tujhe to dūsroñ se bhī ulajhne meñ takalluf thā
mujhe to dekh apne-āp se uljhā huā thā maiñ

maiñ shaam ke hisār meñ jakḌā huā sā huuñ
manzar mire lahū meñ Dubo.e hue se haiñ

mujh havā-ḳhvāh se gurez so kyuuñ
tujh ko kyā mujh se aar aave hai

ye sulagtā huā sahrā hai nishānī us kī
rāsta bhuul gayā thā koī dariyā apnā

har chiiz aa rahī hai nazar apne ruup meñ
utrā huā fareb-e-nazar kā libās hai

zindagī ke naam par dhokā huā achchhā huā
jo huā jo bhī huā jaisā huā achchhā huā

khā rahā thā dhīre dhīre ye sukūt-e-jāñ mujhe
mahshar-e-jāñ jā-ba-jā barpā huā achchhā huā