Tags-Hawa

qadġhaneñ jitnī lagā.īñ vaqt ne
dil-zadoñ kā hausla raushan huā

'nāz' kā āhañg-e-tāza dekhnā
fikr-o-fan kā dā.era raushan huā

iztirāb-e-qazā huā ye 'nasīm'
ki gale bhī use lagā na sake

'saif' kyā ḳhuub zamāne kī havā badlī hai
taḳht-e-tā.ūs pe aa baiThe haiñ darbān yahāñ

dostī kar ke havā se jo jalā deñ ghar ko
un charāġhoñ se ujālā nahīñ māñgā jaatā

mujh ko ye mahsūs huā thā apne ahd kā ḳhizr huuñ maiñ
chupke chupke jab bhī maiñ ne ḳhizr ko DhūñDā paanī meñ

ālā.ish dāġhoñ se bharā ye terā badan ik roz 'zafar'
rahmat kī ghaTā jab barsī thī to saaf huā thā paanī meñ

huā hai qat.a mirā dast-e-mojaza tujh pe
giyāh-e-zard bahut hai ye sāneha tujh pe

maiñ chāhtā huuñ mujhe mash.aloñ ke saath jalā
kushāda-tar hai agar ḳhema-e-havā tujh pe

jafā-pasandoñ ko sunte haiñ nā-pasand huā
ab aur bhī dil-e-māyūs dard-mañd huā

mah-e-do-hafta banāyā hamīñ ne aariz ko
hamārī vaj.h se husn aap kā do-chand huā

judā judā hai mazāq apnā apnā duniyā meñ
hameñ jo dard to dil dard ko pasand huā

vo pher pher ga.e toḌ toḌ kar aksar
ye dil vo hai jo ka.ī baar dard-mañd huā

koī hazār kahe apnī hī ye kartā hai
hamārā dil na huā koī ḳhud-pasand huā

habāb kā ye ishāra hai ahl-e-ġhaflat se
huā vo past jo duniyā meñ sar-buland huā

huā hai ishq meñ kam husn-e-ittifāq aisā
ki dil ko yaar to dil yaar ko pasand huā

hilā diyā sar-e-bām aaj jā ke dil un kā
asar ko nāla-e-qalb-e-hazīñ kamand huā

dikhāyā dil ko ye din kibr-o-be-niyāzī ne
ki naaz uThā ke kisī ke niyāz-mand huā

ye kaun dilbar-e-nāzuk-mizāj se pūchhe
pasand bhī dil-e-zebā-e-dard-mañd huā

lipaT lipaT kar ik duuje se rote haiñ
jin pattoñ ko havā kā jhoñkā chhoḌ gayā