Tags-Hawa

mire vāste jaane kyā lā.egī
ga.ī hai havā ik khañDar kī taraf

mere pyāre sogvār
mujhe ma.alūm huā hai

mire zehn-o-dil par jo chhāyā huā hai
mujhe us ne yaksar bhulāyā huā hai

har ik naqsh-e-duniyā miTāyā huā hai
use maiñ ne dil meñ basāyā huā hai

bahut duur mahsūs hotā hai mujh ko
gale jis ko maiñ ne lagāyā huā hai

mujhe ḳhauf hai silvaTeñ paḌ na jaa.eñ
badan us ne apnā bichhāyā huā hai

tumheñ DhūñDne se nahīñ milne vaalā
nishān apnā maiñ ne miTāyā huā hai

bhaTakte haiñ sahrā meñ kitne musāfir
har ik naqsh-e-pā kā safāyā huā hai

yahī jā-nashīñ hai mirī mumlikat kā
baġhal meñ jo bachcha sulāyā huā hai

vahī hai rañg abhī tak jigar ke dāġhoñ kā
yahāñ jo phuul khilā vo sadā bahār huā

mujh ko ġham de de ke ḳhush thā vo magar ye kyā huā
vaqt ke hāthoñ vahī ġham kī farāvānī meñ hai

āstīñ meñ pal rahe the lekin ik din yuuñ huā
saañp aapas kī pareshānī se bāhar aa ga.e

dil meñ uThte rahe yādoñ ke bagūle 'tishna'
mujh meñ simTā huā ik dard kā sahrā niklā

huā hai nairañg aaj kaisā ye dil meñ qātil ke kyā Thanī hai
jidhar se guzrā zabāñ se niklā ye kushtanī hai vo kushtanī hai

fanā-e-qalbī hai fat.h-e-ainī huā hai gar mahv sharh-e-sadrī
yahī hai miftāh-e-dil-kushā.ī ye kashf-e-bātin kī jāñkanī hai

ye kis qalandar ko maar Daalā ġhazab kiyā jāma-posh-e-naḳhvat
khaḌā huā ro rahā hai jazba girī huī pāk-dāmanī hai

na hoñ ġharābt-asar ye ai dil nuqūsh-e-nairañg-e-shān-e-fitrat
koī huā be-niyāz-e-ālam koī hai muflis koī ġhanī hai

jo hichkī aa.ī to ḳhush maiñ huā ki maut aa.ī
kisī ko yaar kā itnā bhī intizār na ho

havas uruuj kī le jaa.eñ gar ye duniyā se
kabhī buland havā se koī ġhubār na ho

qalb-e-paivandi-e-ġham to hogī
shahr meñ koī dhaḌaktā huā dil