Tags-Hawa

khaḌā huā hai adū kā muāmla aise
bayān kiije to pahlū-e-dam nikaltā hai

sar-e-dosh-e-havā ik abr-pāre kī tarah ham haiñ
kisī jhoñke se pūchheñge ki hai ham ko kidhar jaanā

dil-e-āvāra kyā pābañd-e-zanjīr-e-ta.alluq ho
na thā bas meñ kisī ke bhī havā ko qaid kar jaanā

ḳhum ba ḳhum chhalke tirī sahbā nasha qaa.im rahe
lazzat-e-zahrāb ġham se kab huā thā āshnā

apne aabā se bahut duur huā jaatā hai
aadmī ishq meñ majbūr huā jaatā hai

is meñ kyā chāñd sitāroñ ko qabāhat hogī
zarra-e-ḳhāk agar nuur huā jaatā hai

dekhnā yaar vahī hogā vahī honā hai jo
mere allāh ko manzūr huā jaatā hai

dard aisā ki baḌhtā hai mire siine meñ
zaḳhm aisā ki nāsūr huā jaatā hai

naqsh ban kar yahī ubhregā sar-e-sehn-e-jahāñ
aks manzar meñ jo mastūr huā jaatā hai

us ke ruḳhsār se hotā huā lab tak pahuñchā
ashk to mashrab-e-añgūr huā jaatā hai

maiñ use chāhte rahne meñ huuñ masrūf 'fidā'
ye gunah mujh se ba-dastūr huā jaatā hai

vo rañg-e-tamannā hai ki sad-rañg huā huuñ
dekho to nazar huuñ jo na dekho to sadā huuñ

yā itnā subuk thā ki havā le uḌī mujh ko
yā itnā girāñ huuñ ki sar-e-rāh paḌā huuñ

mirī kahānī raqam huī hai havā ke aurāq-e-muntashir par
maiñ ḳhaak ke rañg-e-ġhair-fānī ko apnī tasvīr kar rahā huuñ

ye ishq kī hai fusūñ-tarāzī ki vahshatoñ kī karishma-sāzī
kamand ḳhushbū pe Dāltā huuñ havā ko zanjīr kar rahā huuñ

ai shaiḳh-e-haram tak tujhe aanā jaanā
ye tauf julāhe kaahe taanā baanā

''balā-kashān-e-mohabbat pe jo huā so huā
jo mujh pe guzrī mat us se kaho, huā so huā

jab us kī barq-e-husn se parda huā hai vā
zaa.e hue haiñ tālib-e-dīdār har taraf

go maiñ huā muqīm to kyā Dar hai 'mus.hafī'
sair o safar meñ haiñ mire ash.ār har taraf

darvāze par aahaT sun kar us kī taraf kyuuñ dhyān gayā
aane vaalī sirf havā ho aisā bhī ho saktā hai