Tags-Hawa

go aise lamhe kam aa.e lekin haiñ vo merā sarmāya
kab kab vo huā mā.il-ba-karam kuchh yaad rahā kuchh bhuul ga.e

na huī qadr muqaddar kī burā.ī se 'hafīz'
kyā huā aap ne paa.ī jo tabī.at achchhī

us shāḳh se ik mār-e-siyah lipTā huā thā
lekin vahīñ taa.ir bhī chahakte rahe tā-der

chāñd bhī duur idhar aur havā bhī hai ḳhilāf
ham to uḌtā huā bosa bhī nahīñ de sakte

ye qāfiya baḌī diqqat ke saath nazm huā
baḌe hunar se ye aurat mrs 'jamālī' huī

itnī jaldī to sambhalne kī tavaqqo na karo!!
vaqt hī kitnā huā hai mirā sapnā TuuTe

shukr hai jaama se bāhar vo huā ġhusse meñ
jo ki parde meñ bhī uryāñ na huā thā so huā

ġhubār-e-chashm bhī hai justujū meñ sargardāñ
havā meñ ḳhaak bhī vo rāhbar nahīñ aatā

pareshāñ zulf muñh utrā huā mahjūb sī āñkheñ
vo bazm-e-ġhair se āshiq kī sūrat ban ke aate haiñ

ai mo.ajaza-e-havā sunā de
vo mujh meñ sadā khilā rahegā

ye kū-e-mai-farosh meñ raulā huā ki raat
dahshat se vaañ Thahar na sakā pā-e-mohtasib

hai na.ī qaid ab ye āzādī
zor TuuTā huā hai baazū kā

ham se kuchh aage zamāne meñ huā kyā kyā kuchh
to bhī ham ġhāfiloñ ne aa ke kyā kyā kuchh

merā kirdār kahānī meñ faqat itnā hai
koī rotā huā aatā hai chalā jaatā hai

raah se aañkh milāne kā hunar jaan gayā
vaqt to sarf huā ḳhaak uḌāne meñ mirā

apnī yakjā.ī se tanhā.ī se puurā na huā
jitnā nuqsān huā shahr basāne meñ mirā

parindoñ ko zarā sī der chup rahne kā kah kar
havā ko zamzama-pardāz karnā chāhtā huuñ

mujhe naved-e-judā.ī sunāne aayā thā
judā huā to mirī samt dekhtā bhī gayā

vo merā shola-jabīñ mauja-e-havā kī tarah
diye jalā bhī gayā aur diye bujhā bhī gayā

bastiyoñ meñ ham bhī rahte haiñ magar
jaise āvāra havā sahrāoñ meñ