Tags-Hawa

hote hī javāñ ho ga.e pāband-e-hijāb aur
ghūñghaT kā izāfa huā bālā-e-naqāb aur

husn kī apnī ik numū ishq kī apnī hāo-hū
ek havā hai rañg meñ ek havā hai raqs meñ

kaun ye kah ke chal diyā ho tirī bastiyoñ kī ḳhair
aaj havā bhī tez hai aur diyā hai raqs meñ

fasl-e-bahār meñ tar-o-tāza nahīñ havā
shāyad shajar ko ḳhvāhish-e-barg-o-samar na thī

thī havā bhī shorīda haath bhī the larzīda
uñgliyāñ jalā Dālīñ ik diyā jalāne meñ

koī be-ḳhud huā be-tāb ho kar rah gayā koī
naqāb-e-husn uThne par hazāroñ ko na chain aayā

bakriyāñ dasht kī mahkār meñ gūñdhā huā duudh
chhāgaloñ meñ liye jab raqs-kunāñ aatī haiñ

sābit huā sukūn-e-dil-o-jāñ kahīñ nahīñ
rishtoñ meñ DhūñDhtā hai to DhūñDā kare koī

tire daur-daura-e-ishq meñ mirī ek rañg se kaT ga.ī
na sitam huā na karam huā na jafā huī na vafā huī

mirā dil bhī thā mirī jaañ bhī thī na vahī rahā na yahī rahī
mujhe kyā ḳhabar ki vo kyā huā mujhe kyā ḳhabar ki ye kyā huī

kashīd karte hue rāhat-e-vajūd-o-adam
diye ke saath rahūñgā na maiñ havā ke saath

auroñ ko salāheñ detā hai
koī Dasā huā andāzoñ kā

sukūt baḌhne lagā hai sadā zarūrī hai
ki jaise habs meñ taaza havā zarūrī hai

ishq jab tujh se huā zehn ke jugnū jaage
lafz paikar meñ Dhale soch ke pahlū jaage

fareb khā ke bhī sharminda-e-sukūñ na hue
na kam huā kisī manzil pe valvala dil kā

'aḳhtar' ko to riye meñ bhī hai aar kyā kare
baiThā huā hai der se be-kār kyā kare

mutarannim se raheñge ye havā ke goshe
jin meñ ġhaltīda hai ab lahn-e-takallum terā

duur tak bikhrā huā ret kī sūrat hai vajūd
ḳhud ko āvāz idhar de ki udhar de koī

barsoñ ghisā-piTā huā darvāza chhoḌ kar
niklūñ na kyuuñ makān kī dīvār toḌ kar

raqīb-e-nafs kā mukh moḌtā rah
havā aur hirs ke ta.iiñ toḌtā rah