Tags-Hawa

nafī o isbāt kā hañgāma rahā us kū maiñ
koī maarā gayā aur koī sar-afrāz huā

dil ko jhiñjhoḌte hue saare aziiz lafz
tahrīr haiñ havā meñ jahāñ ghar udaas hai

nishāt-e-be-talbī jāda-e-najāt huā
ḳhabar nahīñ ki usī raah meñ chaman kyuuñ hai

dil kā koī ziyāñ nahīñ jaañ kā mo.āmla nahīñ
haath meñ ik diyā nahīñ mauj-e-havā bhī kyuuñ khule

junūñ havā taḌap huī ḳhalish huī ki ġham huā
ye daulateñ haiñ ishq kī ye ne.amateñ hai pyaar kī

havā kī tez-gāmiyoñ kā inkishāf kyā kareñ
jo dosh par liye ho us ke bar-ḳhilāf kyā kareñ

maiñ koī ishq karūñ haar ke jiitā huā ishq
yaanī ushshāq meñ kuchh naam kamā.ūñ maiñ bhī

ġham huā kartā hai āġhāz meñ apnā lekin
vahī baḌhtā hai to har ek kā ġham hotā hai

tumheñ pata bhī hai kis sakhī se tumhārā paalā paḌā huā hai
muaaf kar dūñgī tum ko fauran hī aao aao mujhe manāo

vaqt ruk ruk ke jinheñ dekhtā rahtā hai 'salīm'
ye kabhī vaqt kī raftār huā karte the

jis din se yaar mujh se vo shoḳh āshnā huā
rusvā huā ḳharāb huā mubtalā huā

haq baat to ye hai ki usī but ke vāste
zāhid koī huā to koī barhaman huā

baḌā armān thā 'sājid' tumheñ kyā Dar ga.e kyā
shab-e-tābāñ havā kī ḳhud-kushī ko dekhne kā

mere paas aa ke koī tishna-labī bhuul gayā
maiñ to samjhā thā ki taptā huā sahrā huuñ maiñ

tūfān na.ī tarah uThā dekheñ to
dīvār girī shor huā dekheñ to

jis ghaḌī aayā palaT kar ik mirā bichhḌā huā
aam se kapḌoñ meñ thā vo phir bhī shahzāda lagā

kaleja shaq huā jaa.e bichhaḌne ke tasavvur se
mohabbat dil meñ kartī hai ab hā-o-hū zarā Thahro

jin ke sar meñ havā samā.ī thī
miT ga.e vo habāb kī sūrat

dahr ke ġham se huā rabt to ham bhuul ga.e
sarv qāmat ko javānī ko qayāmat likhnā

ai parinde tū hai apnī aag meñ jaltā huā
duur se lekin dhuāñ uThtā nazar aatā nahīñ