Tags-Hawa

chaman meñ jo khilā gul maiñ ye samjhā
ki hai merā ye murjhāyā huā dil

bahut hai jam ko apne jaam par naaz
zarā laanā mirā TuuTā huā dil

tumhārī raah meñ vo bhī paḌā hai
zarā dekhe hue TuuTā huā dil

koī ab muft bhī ḳhvāhāñ nahīñ hai
'riyāz' aisā gayā guzrā huā dil

sar bhī hai pā-e-yār bhī shauq-e-sivā ko kyā huā
jur.at-e-dil kidhar ga.ī laġhzish-e-pā ko kyā huā

hasrat-e-afv kyā huī jurm-o-ḳhatā ko kyā huā
sāmne hai dar-e-karam dast-e-duā ko kyā huā

vaqf-e-mazāq-e-justujū dīda-o-dil haiñ ab kahāñ
manzil shauq-e-pā hī kī ġhairat-e-pā ko kyā huā

jazb-o-asar se ban gayā aur bhī dushman āsmāñ
kar diyā rāz-e-dil ayaañ āh-e-rasā ko kyā huā

kal to ba-hadd-e-shikva thiiñ ishq kī bad-gumāniyāñ
ab na nadāmateñ haiñ kyuuñ shikva-sarā ko kyā huā

shā.ir-e-bazm-e-aql-o-hosh haañ koī aur naġhma-sarosh
dil kī sadā hai kyuuñ ḳhamosh dil kī sadā ko kyā huā

yuuñ to hazār naqsh haiñ safha-e-kā.ināt par
us kā pata nahīñ magar naqsh-e-vafā ko kyā huā

gum-shuda-e-jamāl huuñ dil hī ko saath ai 'shakīl'
mujh ko bhī le ke kho gayā rāh-numā ko kyā huā

tire haath se maiñ jo shahīd huā mirī ruuh kā ishq murīd huā
jo hayāt rahā to na chhoḌe qadam jo marā to tavāf-e-mazār kiyā

kabhī sair-e-chaman kā na shauq huā kisī bazm kā ham ko na zauq huā
tire kūche ko jaan ke bāġh-e-iram yahīñ bulbul-e-jāñ ko nisār kiyā

jise chāhā dil us pe nisār kareñ kabhī god meñ leñ kabhī pyaar kareñ
ye burā.ī nasīb kī vā.e-sitam vo harīf huā jise pyaar kiyā

maiñ ne buland kī thī sadā ehtijāj kī
phir yuuñ huā ki merī zabāñ kaaT dī ga.ī

tum suḳhan-sāz ho baḌe ai jaan
tarz-e-taqrīr se huā ma.alūm

jab muamme meñ zikr-e-vasl kiyā
bolā matlab na kuchh huā ma.alūm

havā-e-hijr meñ jo kuchh thā ab ke ḳhaak huā
ki pairahan to gayā thā badan bhī chaak huā

ab us se tark-e-ta.alluq karūñ to mar jā.ūñ
badan se ruuh kā is darja ishtirāk huā