Tags-Hawa

havā dete rahe dānista dīvāna samajh kar vo
junūñ hotā rahā akasr mirā bedār dāman se

thapkiyāñ dete rahe ThanDī havā ke jhoñke
is qadar jal uThe jazbāt ki ham so na sake

vo qad-āvar mirī ūñchā.ī se baḌh kar na huā
mere jhukne pe bhī vo mere barābar na huā

apnī dastār kā saudā nahīñ hogā mujh se
vaqt ke qadmoñ pe ḳham merā kabhī sar na huā

apnī āñkhoñ se pilā kar mujhe sairāb karo
pyaas itnī hai ki do ghūñT samundar na huā

ġham siiñ ahl-e-bait ke jī to tirā kuḌhtā nahīñ
yuuñ abas paḌhtā phirā jo marsiya to kyā huā

miT jaane pe bhī masrūr haiñ ham murjhāne pe bhī shādāb haiñ ham
shahbā-e-shabāb-o-ishq kā ik bhūlā huā rañgīñ ḳhvāb haiñ ham

ho gayā band dar-e-mai-kadā kyā qahr huā
shauq-e-pā-bos-e-hasīnāñ jo tujhe thā ai dil

pise dil hazāroñ taḌap ga.e jo sisak rahe the vo mar ga.e
uThe fitne hashr bapā huā ye ajiib tarz-e-ḳhirām hai

bahut māyūs lauTī hai chaman se phir havā koī
ġhazal ke kahne vaale kah rahe haiñ marsiya koī

kis tarah be-mauj aur ḳhālī ravānī se huā
be-ḳhabar dariyā kahāñ par apne paanī se huā

baḌh rahī thī ek bastī se mirī begānagī
mas.ala merā na hal naql-e-makānī se huā

apne hone kā mujhe ḳhud hī diyā us ne subūt
āshnā us se usī kī ik nishānī se huā

kah rahā thā vo ki kaise kaT rahe the us ke din
maiñ girafta-dil bahut us kī kahānī se huā

ik jagah kī saaf aur taaza havā achchhī lagī
kuchh ilāj-e-dil vahāñ ke saada paanī se huā

kis qadar ġham-ḳhvār thā vo shahr aur hamdard log
is kā kuchh andāza apnī rā.egānī se huā

rut badal jaane se piilā paḌ gayā farsh-e-chaman
zard peḌoñ kā badan barg-e-ḳhizānī se huā

kar rahā huuñ maiñ zabāñ ko ik banāvaT se rihā
lafz zinda phir mirī sāda-bayānī se huā

mere us ke darmiyāñ jaise kabhī kuchh bhī na thā
aisā 'shāhīñ' bas zarā sī bad-gumānī se huā

koī pūchhe na ham se kyā huā dil
huā kyā luT gayā dil miT gayā dil