Tags-Hawa

ye sach hai us se bichhaḌ kar mujhe zamāna huā
magar vo lauTnā chāhe to phir zamāna bhī kyā

maiñ be-gunāh huuñ to yahī hai mirī sazā
ye faisla huā hai mujhe maar dījiye

vallāh be-nashsha na rahī merī koī shaam
ukhḌā huā nasha hai mujhe maar dījiye

huā charchā jo mere paañv kī zanjīr banñe kā
kiyā betāb kaañ meñ jumbish-e-jauhar ne aahan ko

ufuq ke baam bhī haiñ dam-ba-ḳhud tirī ḳhātir
tirī talāsh meñ bikhrā huā ye sahrā hai

rañg lā.egī kabhī to mere zaḳhmoñ kī shafaq
kyā huā rū-e-tamannā par agar ġhāza nahīñ

ek aañsū huuñ ḳhushī kī aañkh se rūThā huā
maiñ kisī kī muntashir palkoñ kā shīrāza nahīñ

kyuuñ bahār aatī nahīñ dil ke ḳharābe kī taraf
kyā tirī shādāb zulfoñ kī havā taaza nahīñ

mujhe tavaqqo.a ho kyā ḳhabar kī zabāñ hai qāsid kī haath bhar kī
lagī havā tak nahīñ udhar kī abhī se bāteñ banā rahā hai

qasr vīrān huā jaatā hai
dil pareshān huā jaatā hai

haram o dair ke jalvoñ kī qasam
kufr īmān huā jaatā hai

tāb-e-nazzāra ilāhī tauba
jalva hairān huā jaatā hai

naala āġhosh-e-asar tak aa kar
ḳhud pashemān huā jaatā hai

be-piye shaiḳh farishta thā magar
pī ke insān huā jaatā hai

dil hai āmāda-e-takmīl-e-nashāt
ġham kā sāmān huā jaatā hai

kuchh nahīñ hastī-e-parvāna magar
bazm kī jaan huā jaatā hai

allāh allāh ki unhīñ kā partav
un pe qurbān huā jaatā hai

har varaq sharh-e-mohabbat kā 'shakīl'
apnā dīvān huā jaatā hai

ġham apne hī ashkoñ kā ḳharīdā huā hai
dil apnī hī hālat kā tamāshā.ī hai dekho

uf ye bedard siyāhī ye havā ke jhoñke
kis ko ma.alūm hai is shab kī sahar ho ki na ho